Пендаровски од Крушево: Ниту сум бојкотирал, ниту ќе бојкотирам избори, на 8 мај ќе славиме во цела Македонија
365.mk - пред 6 часа
81СподелувањаShareTweet Борбава и формално правно и политички почнува од нула како да немало прв круг. На 8 мај не само овде во Крушево ќе славиме и во цела Македонија, порача претседателскиот кандидат Стево Пендаровски на средбите со жителите на Крушево, повикувајќи ги крушевчани масовно да излезат на гласање и на 8 мај. Тој ги негираше обвинувањата на опозицијата дека ќе го бојкотира вториот круг од претседателските избори. -Веројатно сте слушале вчера, денес од кога заврши првиот круг, нашиве политички противници коишто се уште се убедени дека ќе победат, нека живеат во тоа уверување, почнуваат да ги кажуваат овие муабети што ги зборуваат уште во првиот круг, ќе била разликата толку голема и ќе сме немале никакви шанси да победиме затоа ќе сме бојкотирале. Дали е логично да дојдам јас во Крушево, ако мислам да бојкотирам? Јас мислам со сите вас да победам, а кој сака нека бојкотира, рече Пендаровски. Посочи дека не бојкотирал ни во 2014 година, ни во 2019, ни 2016 година, а, како што кажа, нема да бојкотира избори ни оваа 2024 година. -Тие нека му ја мислат за крајниот резултат. Ние сите го знаеме и наместо бојкот ние ќе прославуваме. И во минатото и денес, крушевчани секогаш знаеле да донесат правилна одлука. Тоа го докажаа на првиот круг од претседателските избори. Знам дека и на 8 мај нивниот избор ќе биде бројот 1. Македонија заслужува натпартиски, претседател на сите граѓани без разлика на нивната етничка, верска или политичка припадност, рече Пендаровски. Прочитајте и: До 15 часот излезеноста на изборите е 35.89 проценти, до ДИК 233 приговори за заштита на избирачкото правоПосочувајќи дека меѓуетничките односи и темелите на нашата држава се потпираат на идејата, на концептот на Крушевскиот манифест, претседателскиот кандидат Пендаровски од Крушево порача дека наместо нов Устав, на граѓаните на оваа земја им се потребни подобри услови за живот, подобра економија и поголеми инвестиции, повеќе работни места и можности за младите, за да останат дома, во својата татковина. -Нам не ни треба враќање назад во историјата, нам не ни треба некој да биде повисоко, некој пониско. Нам ни треба подобра економија, подобра социјала, повеќе инвестиции, повеќе работни места. Ако го направиме тоа, можеме да кажеме дека бил успешен мандатот. Сè друго е карање со комшиите и внатре со најблиските, и карање на регионално ниво, со соседите – и тоа е погубно, рече Пендаровски пред присутните. Во оваа насока тој додаде дека и натаму ќе се залага за концептот на заедништво, бидејќи смета дека сите граѓани мора да бидат еднакви. -Отсекогаш сме биле мултиетничка држава и единствениот рецепт за просперитет е да се почитуваме едни со други, рече Пендаровски. Пендаровски во Крушево, во споменикот Македониум, положи и свежо цвеќе на гробот на првиот претседател на Крушевската Република, Никола Карев. - Реклама -...
Ковачевски: СДСМ е единствената политичка сила која може да ја внесе Македонија во ЕУ
365.mk - пред 7 часа
63СподелувањаShareTweet СДСМ е единствената политичка сила која има моќ, знаење, упорност и посветеност да ја внесе Македонија во ЕУ, изјави Димитар Ковачевски, претседател на Социјалдемократскиот сојуз, на Европскиот караван на СДСМ и Коалицијата за европска иднина што се одржа вечерва во Центар. На вечерашниот настан Ковачевски порача дека СДСМ е силна партија и не се откажува од борбата. – Нашата историја, нашата традиција и нашата одлучност за подобра иднина на Македонија се најдобар доказ дека ние никогаш не се откажуваме, рече тој. Тој посочи дека се свесни дека постои незадоволство и дека ја примиле пораката од граѓаните. – Мене и на моите другари ни е јасно дека партијата треба да се менува, за да ја вратиме довербата на граѓаните, рече тој. Ковачевски зборуваше за активностите кои ги реализирале со цел подобрување на животниот стандард на граѓаните и посочи дека со новата програма ќе продолжат да го подобруваат квалитетот на животот на граѓаните. – СДСМ никогаш нема да се откаже од инклузијата и градењето едно општество за сите граѓани, без разлика на припадноста. Таа инклузија подразбира целосно почитување на Европските вредности како солидарност, правичност, чесност и одговорност и тие треба да важат за сите и за првиот човек во државата и за министрите, директорите, буквално за сите, реле Ковачевски. Според него, изборите на 8 мај ќе бидат тешки, но, очекува дека ќе ја имаат поддршката во Центар. – Во СДСМ постои цврсто единство, ние сме обединети и ќе продолжиме да се бориме за она во кое веруваме, а тоа е прогресивна, напредна и подобра Македонија, заокружи тој. Милена Стевановиќ, кандидатка за пратеничка од СДСМ, на настанот зборуваше за нејзините искуства на Инфективната клиника во Скопје. Прочитајте и: Мицкоски во Росоман и Градско: Гласајте масовно на 8 мај за ДУИ да оди во опозиција, не зашто се Албанци туку зашто се криминалци– Обезбедивме развој на медицината, обезбедивме далеку подобри услови за пациентите, но и за лекарите и нивните услови за работа. Значително го подигнавме стандардот на здравствениот систем. Верувам дека секој од вас ја има мислата дека тоа не е доволно, и не е доволно, имаме уште многу работа пред нас и цели за постигнување, рече таа. Стевановиќ беше согласна дека СДСМ мора да се менува и така, како што кажа, повторно да ја стекне довербата од повеќето граѓани. – Денеска стојам пред вас повторно со јасна визија и јасна цел, да живеам во сопствената татковина, држава, Република Северна Македонија, со стандарди, земја која заслужува да биде дел од Европското семејство, дополни таа. Стевановиќ ги повика граѓаните, како што рече, на 8 мај да не се откажат од својата иднина. Ко-носителка на листа во ИЕ1, Моника Зајкова, претседателка на ЛДП, на настанот посочи дека промените никогаш не се случуваат со националистички наративи, ниту, како што рече, „со луѓето кои ни ја гушеа индивидуалната слобода“. Таа потенцираше дека се свесни дека направиле грешки, дополнувајќи дека кој работи тој и ќе погреши. – Ја примивме пораката од граѓаните, имаме мотив и конкретни решенија како да се поправиме, рече таа. Според Зајкова, на овие избори, сериозно е доведен во прашање правецот во кој државата ќе продолжи да се движи понатаму. – Не може да очекуваме државничка визија од луѓе кои се до денеска не дадоа ниту еден јасен став за тоа каде ја гледаат државата во иднина и кои решенија ни ги нудат, дополни таа. - Реклама -...
Мицкоски во Росоман и Градско: Гласајте масовно на 8 мај за ДУИ да оди во опозиција, не зашто се Албанци туку зашто се криминалци
365.mk - пред 7 часа
108СподелувањаShareTweet Масовно да се гласа на осми мај и да се прати ДУИ во опозиција, повика претседателот на ВМРО-ДПМНЕ, Христијан Мицкоски, од Росоман и Градско, во рамки на претседателската и парламентарната кампања. – Има центри на моќ кои не сакаат да ја видат успешна Македонија, имаме такви и тие беа клучен фактор, до сега беа и во Владата и тука мислам на ДУИ и Али Ахмети, тој сака да ја види осиромашена Македонија и слично. Тие не сакаат да ја видат успешна Македонија, рече Мицкоски. Тој рече дека овие избори се шанса криминалците да се пратат во опозиција. – И ова го зборам само поради криминалот, не го зборам за ДУИ затоа што се Албанци, не, туку поради криминалот. Јас ја повикав опозицијата кај Албанците да се бориме заедно. Јас се борам против ДУИ кои ја ограбуваат и на колена ја ставаат Македонија, додаде Мицкоски. Александар Николоски, потпретседател на ВМРО-ДПМНЕ и носител на ИЕ 4, на денешниот митинг во Росоман рече дека за откупот на праските планираат изнаоѓање нови пазари, што, како што рече, ќе донесат подобри цени, а се осврна и на поддршката за изградба на ладилници и стимулирање откупувачи, реконструкција на постојните водоводни системи за наводнување и изградба на нови системи. За тоа, додаде, се предвидени големи средства во делот за земјоделие за двете ставки, некаде по стотини милиони евра. Прочитајте и: Мицкоски од Струга повика на обединување на целиот народ (сите етнички заедници) за црвен картон за СДСМ и ДУИ– Понатаму, враќање на системот за субвенции што е правичен и што значи, според она што го обработуваат земјоделците. Тука е и поделбата за земја, да завршиме со олигархиското и картелското делење на земја, каде огромни површини на земји ги земаат луѓе кои не се по потекло од општината во која добиваат земјиште и најчесто не ја работат таа земја. Така што бројни проекти планираме во земјоделието кое што треба да ги подобрат состојбите, истакна тој. Николоски се осврна и на експресниот пат Прилеп-Градско и рече дека идната Влада, што според него, ќе биде предводена од ВМРО-ДПМНЕ, ќе го заврши овој пат до 2027 година. Во однос на проектите, Драган Ковачки, носител на ИЕ 3, на денешниот митинг во Градско, рече дека визијата на ВМРО-ДПМНЕ е да ја трансформира Македонија напред, преку реализација на проектите од Платформата 1198. - Реклама -...
Премиер лигата најавува чекор понатаму во истрагата против Манчестер Сити
365.mk - пред 8 часа
45СподелувањаShareTweet Помина повеќе од една година откако Премиер лигата го обвини Манчестер Сити за кршење на финансискиот фер-плеј, а англискиот шампион, и неодамна соборениот европски првак, допрва треба да бидат казнети за нивното дело. „Граѓаните“ се товарат за финансиски прекршоци од сезоната 2009/2010 до сезоната 2017/2018, на крајот од четиригодишната истрага имаше 115 обвиненија, а сега клубот од „Етихад“ конечно би можел да се најде под рефлекторите поконкретно отколку досега. Првиот човек на Премиер лигата, Ричард Мастерс, изјави дека сослушувањето во случајот со Манчестер Сити „ќе се одржи во блиска иднина“, како што објави новинарот на „Телеграф“ Бен Рамсби на својот профил на „X“. Прочитајте и: Двајца соиграчи од Премиерлигата уапсени поради силувањеБез разлика што во споменатиот цитат не е наведен ден, недела, месец, па дури и одредена година, некои толкувања велат дека тоа е можно да се случи до крајот на 2024 година. Веројатно наесен, датум за кој веќе се шпекулираше. Времето ќе покаже кога навистина ќе започне судењето и дали пребогатиот клуб, со странски акционерски капитал, навистина ќе трпи соодветни последици за неодговорното работење. Во меѓувреме, тимот игра натпреварувачки игри како ништо да не се случило. - Реклама -...
Зеленски: Светот мора да изврши притисок врз Русија да ја врати нуклеарната централа Запорожје
365.mk - пред 8 часа
63СподелувањаShareTweet Украинскиот претседател Володимир Зеленски изјави дека светот треба да изврши притисок врз Русија да ја врати нуклеарната централа Запорожје под целосна украинска контрола за да се избегне катастрофа со радијација во централата. Зеленски овој апел го упати на социјалните мрежи по повод 38-годишнината од катастрофата во нуклеарната централа Чернобил. – Радијацијата не познава граници или национални знамиња. Катастрофата во Чернобил покажа колку брзо може да се појават смртоносни закани. Десетици илјади луѓе ја ублажија катастрофата во Чернобил по цена на сопственото здравје и животи, елиминирајќи ги нејзините ужасни последици во 1986 година и годините потоа, истакна тој. Во исто време, Зеленски потсети дека пред две години нуклеарната централа Чернобил беше под руска окупација 35 дена. „Руските војници ги ограбуваа лабораториите, ги заробија чуварите и го малтретираа персоналот, го искористија за да започнат понатамошни воени операции“, рече Зеленски. Прочитајте и: САД тајно испратиле проектили со голем дострел ATACMS во Украина– Веќе 785 дена руските терористи ја држат во заложништво нуклеарната централа Запорожје. Одговорност на целиот свет е да изврши притисок врз Русија за да се осигура дека ЗНПП ќе биде ослободена и вратена под целосна украинска контрола, како и дека сите украински нуклеарни постројки се заштитени од руски напади, нагласи украинскиот претседател. Според него, тоа е единствениот начин да се спречат нови катастрофи со радијација, кои се закануваат да се случат се додека „руските окупатори се присутни во Запорожје“. – Се сеќаваме на посветеноста на луѓето кои спасија животи во 1986 година. Ги цениме сите што помагаат да се спасат животи во моментов, рече Зеленски. - Реклама -...
Шојгу: Русија никогаш не планирала да ги нападне земјите од НАТО
365.mk - пред 9 часа
50СподелувањаShareTweet Русија никогаш не планирала да ги нападне земјите од НАТО, изјави денеска рускиот министер за одбрана Сергеј Шојгу. „Руската Федерација никогаш не била закана за НАТО. Ние немаме ниту геополитички ниту воени интереси да ги нападнеме земјите од блокот, ние едноставно го штитиме нашиот народ на нашите историски територии“, рече Шојгу на состанокот на министрите за одбрана на земјите-членки. на Шангајската организација за соработка во главниот град на Казахстан, Астана. Шојгу нагласи дека Русија секогаш вложувала максимални напори за одржување на стратешката стабилност и рамнотежа на силите во светот. Прочитајте и: Киев: Русија ги напаѓа украинските железници за да го „парализира“ товарот со помош од Западот - Реклама -...
Тен Хаг: На Рашфорд му треба поддршка
365.mk - пред 9 часа
32СподелувањаShareTweet Менаџерот на Манчестер Јунајтед, Ерик Тен Хаг застана во одбрана на Маркус Рашфорд, кој има прилично разочарувачка сезона. Холанѓанецот зборуваше во пресрет на утрешниот меч на „црвените ѓаволи“ против Барнли. Тој откри дека Мејсон Маунт се вратил и ќе му стои на располагање. -Минатата сезона Рашфорд беше брилијантен. Мислам дека тоа беше најдобрата сезона во неговата кариера, постигнувајќи 30 гола. Оваа сезона не настапува на ист начин и луѓето го критикуваат. Мораме да го поддржиме за да се врати на нивото од минатата сезона. Му треба поддршка. Сите знаеме на што е способен, прокоментира Тен Хаг. Стручњакот изјави дека Маунт е подготвен за средбата со Барнли и ја објасни состојбата на Лук Шо, Лисандро Мартинез и Ентони Марсијал: „Мислам дека ќе ги видиме на теренот до крајот на сезоната. Тие продолжија со тренинзите. Следниот чекор е да започнат да учествуваат во тимските активности. Тие напредуваат добро и би можеле да бидат на линија за последните недели“. Додаде дека имале доста разочарувања оваа сезона и дека кога играчите не се достапни, не се во можнсот да настапуваат и да ги постигнат резултатите кон кои целат. -Можеме да бидеме подобри и мислам дека навивачите го разбираат тоа. Имаме помал успех од минатата сезона, но се уште сме во финалето и ова е позиција во која сакаме да бидеме – да освојуваме трофеи, изјави Тен Хаг. - Реклама -...
Крмов од Штип: Левица во Изборната единица 3 ќе има два до три пратеника
365.mk - пред 9 часа
63СподелувањаShareTweet Носителот на листата за пратеници на Левица во ИЕ 3, Борислав Крмов денеска имаше средба со граѓани во Градскиот пазар во Штип, каде што на граѓаните им ја презентираше програмата. Посочи дека граѓаните најтопло ги прифаќаат, бидејќи како што вели, Левица е единствената автентична, непотпуклива опција, а тоа директно го покажале во Собранието. -Очекувањата во Изборната единица три се дека Левица ќе има два до три пратеника, ова е една од најпатриотските Изборни единици и затоа ние сме толку силни. Значи ова е една работничка и земјоделска изборна единица, вели Крмов. Тој посочи дека на парламентарните избори на 8 мај очекуваат поголема поддршка од граѓаните, а како што вели Левица првпат учествувале на претседателски избори и собирале потписи од граѓаните. Прочитајте и: Маричиќ: На 8 мај ќе имаме силен СДСМ, кој ќе се спротивстави на националистичкиот и популистички виор што ни се заканува-Тоа е еден процес кој се учи, резултатот воопшто не е лош. Сите знаат дека Левица типува на Парламентот и на 8 мај ќе имаме одличен резултат, изјави Крмов. - Реклама -...
Белгија: Вештачката интелигенција силно ќе влијае на 65 отсто од работните места во земјата
365.mk - пред 9 часа
63СподелувањаShareTweet Вештачката интелигенција (ВИ) во голема мера ќе влијае на 65 отсто од работните места во Белгија, според проценката на една од најголемите банки во земјата, објавена во локалните медиуми. Во текстот се наведува дека денес 3,3 милиони белгиски вработени работат во области директно поврзани со развојот на вештачката интелигенција. Секој трет работник во Белгија има позитивни очекувања од распространувањето на вештачката интелигенција за подобрување на економијата во следните пет години, но 42 отсто стравуваат дека тоа ќе доведе до губење на работни места. Проценката покажува дека во една третина од работните места (1,6 милиони) денес, имплементацијата на вештачката интелигенција ќе помогне да се зголеми продуктивноста, но во 34 проценти (1,7 милиони) може да биде потребна целосна автоматизација. Прочитајте и: Благодарение на вештачката интелигенција (ВИ) сега Мона Лиза може да рапува (ВИДЕО)Најпогодени се очекува да бидат вработени во администрацијата, каде најверојатно ќе има отпуштања, додека вештачката интелигенција ќе може да им помогне на директорите на компаниите, хирурзите и судиите без да ги смени. Досега, само 3 отсто од работниците во Белгија стравуваат дека ќе бидат погодени поради вештачката интелигенција во следните пет години, а најрелаксирани се хонорарците, покажуваат податоците. Според проценките, може да се очекува дека воведувањето на вештачката интелигенција ќе ја зголеми економијата за 0,1-0,5 отсто годишно. Цитираните експерти прецизираат дека европското законодавство за вештачка интелигенција не и дава предност на ЕУ во однос на САД. Според нив, промените на европскиот пазар на труд ќе бидат постепени и може да се очекува појава на нови професии. - Реклама -...
Маричиќ: На 8 мај ќе имаме силен СДСМ, кој ќе се спротивстави на националистичкиот и популистички виор што ни се заканува
365.mk - пред 9 часа
95СподелувањаShareTweet Ги прифаќаме резултатите какви што се и ги разбираме како многу сриозна порака за ставот на граѓаните кон СДСМ. И порано како партија сме биле пред слични предизвици и секогаш сме наоѓале сила да се консолидираме. На 8 мај, СДСМ силно ќе се спротивстави на националистичкиот и популистички виор што и се заканува на земјава, изјави денеска вицепремиерот Бојан Маричиќ, кој е и секретар за меѓународна соработка на СДСМ. – Свесни сме за сите разочарувања на граѓаните поврзани и со евроинтеграции и со тоа што во повеќе точки ЕУ не беше целосно праведна кон нас и во однос на однесувањето на нашиот најголем коалиционен партнер ДУИ, и тоа го имаме прифатено како забелешка и борбата против криминалот и корупцијата и се она што им пречи на граѓаните. Но, мислам дека е јасно дека на 8 мај ќе треба да имаме силен СДСМ, посилен од ова што го видовме во првиот круг, затоа што без тоа на Северна Македонија и се заканува еден огромен националистички и популистички виор кој што не знаеме каде може да не однесе. Имавме шанса 11 години да го почуствуваме тој виор, имавме шанса во овие седум години на оваа владина коалиција да направиме многу достигнувања, да направиме и многу грешки, изјави Маричиќ. СДСМ, како што истакна Маричиќ, не се бори за опстанок на власт и по секоја цена да ја формира следната влада, туку се бори за принципите и политиките во кои веруваме и од кои нема отстапување – демократија, слобода, социјални политики, социјална правда. – Убеден сум дека ако продолжиме со искрената и отворена комуникација, ако ги лоцираме и политиките но и луѓето кои со своето однесување ни нанесоа огромна политичка штета, и ако успееме, а јас сум сигурен дека ќе успееме да изнајдеме сила со тоа да се справиме, убеден сум дека на 8 мај ќе направиме резултат со кој што СДСМ ќе биде горд во овој контекст. Многу работа не очекува и по 8 мај и како партија и како институции, нагласи Маричиќ, одговарајќи на новинарски прашања по прес-конференцијата со молдавската колешка Кристина Герасимов. Прочитајте и: Крмов од Штип: Левица во Изборната единица 3 ќе има два до три пратеникаТој посочи и на националистичката и популистичка реторика која ја има во кампањата. – Во контекст на европските интеграции гледате дека ВМРО-ДПМНЕ избегнува да зборува за европските интеграции. Претежно се крева една националистичка реторика. За жал тоа беше прифатено од ДУИ дури и иницирано, но граѓаните не можат да видат среќа од таа реторика, туку само набој кој ќе не донесе во една тешка ситуација по изборите. Сигурен сум дека во остатокот од кампањата ќе допреме до секој граѓанин, до секој наш член и поддржувач за да ги увериме дека колку е посилен СДСМ од овој прв круг, толку е подобро тоа за државата со јасно уверување дека ниту една од оние крупни грешки за кои сме политички санкционирани нема да ги повториме. Тоа не е едноставен процес, но на повеќето граѓани им е јасно дека СДСМ е политичката сила која може да ја продолжи приказната за европска Македонија, приказната дека одиме кон вистинскиот пат и дека треба да преговараме во наредните четири години со ЕУ, а не со Бугарија, вели Маричиќ. Прашан дали ова значи дека исклучува во иднина коалицирање со ДУИ, Маричиќ не одговори директно, но наведе дека нивната агенда не е националистичка, туку за европска Македонија, за уважување на сите граѓани во оваа држава. – Делбите и тензиите бевме убедени дека се дел од минатото и сакаме да бидат дел од минатото, порача Маричиќ. - Реклама -...
Касами: Веќе е најавено дека „Влен“ ќе биде дел од наредната влада
365.mk - пред 10 часа
54СподелувањаShareTweet Претседателот на Движењето Беса и дел од албанската опозициска коалиција „Влен“, Биљал Касами денеска на настан во Тетово изјави дека, како што веќе е најавено, нивната коалиција ќе биде дел од наредната влада. Посочува дека во таа влада, па дури и со ВМРО-ДПМНЕ, полесно ќе се изгласат уставните измени. -Ќе има европска влада, влада во која коалицијата „Влен“ веќе е најавено дека ќе биде дел. Во таа влада, се разбира, кажавме и кажуваме дека го гарантираме интегрирањето на земјата во ЕУ и унапредувањето на правата на Албанците. И претходно имаме кажано дека во таква влада ќе биде многу полесно, дури и ако ВМРО-ДПМНЕ е во таа влада или која било политичка партија, треба да се изгласат уставните измени. Затоа, кога велиме дека ќе се изгласат уставните измени и ќе се изгласат. Ние не сме како ДУИ која за 10 години коалицинирање со ВМРО-ДПМНЕ не направи ниту најмал чекор кон интеграција во Европската Унија, рече тој. Прочитајте и: Илир Мета: Победата на професорката Давкова ќе биде уште поубедливаКасами нагласи дека нивната коалиција се „гаранти на уставните измени и унапредувањето на правата на Албанците“. - Реклама -...
Франција и Германија потпишаа договор за заеднички проект за вооружување
365.mk - пред 10 часа
45СподелувањаShareTweet Министрите за одбрана на Франција и Германија Себастијан Лекорну и Борис Писториус денеска во Париз потпишаа договор за заеднички проект за вооружување вреден милијарди евра, кој вклучува развој на борбен тенк од новата генерација, јави ДПА. Двајцата министри потпишаа меморандум за разбирање за напорите за заеднички развој на Главен копнен борбен систем (МГЦС), кој би станал централен столб на копнената одбрана на двете земји. Двајцата министри по средбата го потврдија потпишувањето на договорот. Проектот МГЦС е замислен не само како нов дизајн на борбен тенк, туку и како серија системи и возила изградени врз основа на оваа платформа, кои ќе ги поврзат борбените тенкови во податочна мрежа со помошни оружја како беспилотни летала и други системи без екипаж. Меѓусебното поврзување на вооружените системи ќе овозможи технолошки скок во воената технологија, сметаат поддржувачите на проектот. Се очекува проектот МПЦС да ги замени германските главни борбени тенкови Леопард 2 и францускиот Леклер. Германија ќе има водечка улога во развојот на МПЦС, кој е копија на заедничкиот проект Future Air Combat System (FACS) предводен од Франција. Тој вклучува развој на борбени авиони од следната генерација, како и беспилотни летала и други системи. Прочитајте и: Шојгу: Русија никогаш не планирала да ги нападне земјите од НАТОСпоред локалните медиуми, министрите, исто така, постигнале договор за спорната распределба на задачите и договорите за проектот од осум столбови, при што Франција и Германија водат по два. Со преостанатите четири столба треба заеднички да се управува. Како и другите заеднички европски проекти за одбрана, напорите беа одложени поради тензиите меѓу земјите-учеснички околу тоа како да се распределат индустриските договори и другите трошоци меѓу компаниите. Писториус го опиша начелниот договор како „историски“ и додаде: „Се договоривме за распределба на сите задачи за овој голем проект“, пренесува Дојче веле. Германскиот министер за одбрана рече дека претстои уште долг пат до почеток на производството на тенковите, иако истакна дека договорот е „важна пресвртница“. Писториус рече дека договорите со индустријата се очекува да бидат финализирани до крајот на годината. Тој изрази уверување дека германските пратеници ќе го одобрат договорот. - Реклама -...
Демири: Ако Клиниката за токсикологија не била осигурена, менаџментот треба да преземе одговорност
365.mk - пред 12 часа
59СподелувањаShareTweet Хаваријата со цевката од парно на Токсикологија е санирана. Не е законски ако Клиниката не е осигурена и менаџментот на институцијата треба да преземе одговорност, изјави попладнево министерот за здравство Илир Демири. – Ако зборувате за хаваријата со цевката од парно таа е санирана уште вчера од страна на Заеднички служби. А пропо вашата изјава дали е потпишан договор или не, тоа се интерни договори на клиниките со кои не располагам. Морам да ги проверам, па после да ви кажам дали е така или не, изјави денеска Демири. Одговарајќи на новинарки прашања, Демири рече дека треба да се провери дали имало договор за осигурување или не. Прашан за болничарот кој требаше да биде суспендиран, Демири рече дека голема неправда е направена на Токсикологија, затоа што не е обезбедена согласност од страна на менаџментот за обезбедување на договорите за работа за 18-те вработени кои четири месеци работат во Клиниката, а не добиваат економски надомест. Прочитајте и: На Токсикологија поплавени лекарски канцеларии, болнички соби, сметководство, амбуланта на ОРЛ... штетата дополнително ќе се утврдува– Јас кажав тоа што имам забележано и за што имам факти и тоа е изјава дадена во јавноста, меѓутоа сме во предизборие, во тек е изборна кампања, не сакам да се прекрши ниедна законска процедура. Чекам да дојде извештајот на инспекцискиот надзор кој ги има обврзано во тек на пет дена менаџментот на институцијава да најде решение за 18-те луѓе кои се вработени таму, кои работат, а не добиваат економски надомест, изјави Демири. Рече дека не се точни наводите дека економската директорка доаѓала на работа четири часа. – Според моите сознанија, економската директорка оди на работа и не се паркира на влезот на Клиниката. Проверено е, рече Демири. - Реклама -...
Србија од 2020 година привлекла 15.9 милијарди евра странски инвестиции, вели српскиот министер за финансии
365.mk - пред 12 часа
68СподелувањаShareTweet Од 2020 година Србија кумулативно привлече 15,9 милијарди евра директни странски инвестиции, изјави денеска српскиот министер за финансии Синиша Мали на средба со инвеститори од САД, јави Бета. „Не правиме разлика меѓу домашни и странски инвеститори. Се надевам дека во Србија ќе најдете проекти и можности кои ќе ве интересираат да инвестирате“, им порача Мали на инвеститорите кои по посетата на српската делегација на Вашингтон по повод Пролетната сесија на Меѓународниот монетарен фонд и Светската банка пристигнаа во Белград со цел да се запознаат со сите параметри на српската економија. Мали изјави дека во Србија не се прави разлика меѓу домашни и странски инвеститори, соопшти Министерството. „Се надевам дека во Србија ќе најдете проекти и можности кои ќе ве интересираат да инвестирате“, рече министерот. Тој наведе дека ланскиот раст на БДП во Србија бил 2,5 отсто и дека само во последниот квартал бил 3,8 отсто, а во февруари годинава бил 5,9 отсто и дека се базирал на извозот и инвестициите, како и на таа официјална статистичка. Податоците на Србија покажуваат дека секоја економска гранка бележи раст. Тој посочи и дека Србија има стабилен јавен долг, на ниво од 47,6 отсто од БДП. - Реклама -...
Претставник на ОН: Ќе бидат потребни 14 години да се отстранат урнатините во Појасот Газа
365.mk - пред 12 часа
68СподелувањаShareTweet Претставникот на Обединетите нации, Пјер Лодамар денеска изјави дека ќе бидат потребни 14 години да се расчисти огромното количество урнатини, вклучително и неексплодирани експлозивни направи, што ги остави Израел за време на војната во Појасот Газа. Лодамар, висок офицер во Службата за мини на ОН (УНМАС), на брифинг во Женева рече дека војната оставила околу 37 милиони тони отпад во широко урбанизирана, густо населена област. Тој истакна дека иако не е можно да се одреди точниот број на неексплодирани убојни средства се смета дека под одредени услови, би можеле да бидат потребни 14 години да се расчистат остатоците, вклучувајќи ги и урнатините од уништените згради. Прочитајте и: Хамас повика на ескалација на сите фронтови„Знаеме дека вообичаено има стапка од 10 проценти за неуспех, односно неактивирање на муницијата. Станува збор за 14 години работа со 100 камиони“, рече Лодамар. - Реклама -...
Герапетритис: Договорот од Преспа претставува условеност за претпристапниот процес на Северна Македонија во ЕУ
365.mk - пред 12 часа
63СподелувањаShareTweet Договорот од Преспа претставува условеност за претпристапниот процес на Република Северна Македонија во Европската Унија, посочи министерот за надворешни работи на Грција Јоргос Герапетритис од грчкиот Парламент одговарајќи на пратеничко прашање на пратеничката на Нова левица Сиа Анагностопулу за „владината стратегија на Западен Балкан“, јави дописничката на МИА од Атина. Пратеничката од Нова левица, која воедно беше и алтернативна министерка за надворешни работи во Владата на СИРИЗА, побара одговори од Герапетритис за политиката во однос на Косово, Албанија и Македонија. За односите нашата земја, Анагностопулу упати критики до Владата дека доцни цели пет години со ратификацијата на трите меморандуми, дека не е одржан Висок совет на соработка што треба да се одржува еднаш годишно, дека нема напредок во работата на комисиите за учебниците и за трговските ознаки, но и дека нема нови билатерални договори. Шефот на грчката дипломатија повтори дека потребно е верно и доследно спроведување на Договорот од Преспа, истакнувајќи дека е „надреден во однос на кој било друг закон“ и посочи дека Грција „многу тесно го следи текот Договорот“. Потенцираше дека иако тие како опозиција изразија несогласување за конкретни точки, сепак „државата секако има континуитет“ и тие го прифаќаат Договорот. -Ние го изразуваме континуитетот на државата. Целосно го прифаќаме Договорот од Преспа. Не можеше да биде поинаку, бидејќи претставува уставна обврска, но од друга страна, ние ќе продолжиме тесно да го следиме развојот и усогласувањето. Бидејќи за да може да има разврска, да се ратификуваат протоколите и да постои кој било предвиден напредок во однос на секундарни протоколи или меморандуми, ќе треба да постои договор на двете страни и ќе треба да постои целосно усогласување со одредбите на Договорот од Преспа, рече Герапетритис. За трите меморандуми, кои сè уште не се ратификувани во Парламентот, уште еднаш повтори дека ќе дојдат за ратификација „кога тоа ќе го оцени Владата“ и додаде дека треба да се укаже дека „мора да постои верно придржување и од страна на соседната земја“. - Реклама -...
Националното биро за осигурување: Цената на авто осигурувањето е непроменета од 2008 година, реално е покачувањето
365.mk - пред 12 часа
72СподелувањаShareTweet Националното биро за осигурување (НБО) соопштува дека актуелните пазарни услови предизвикаа неопходност од промена на цената на полисата за задолжителното авто осигурување. Посочуваат дека процентот на пораст секоја осигурителна компанија сама го дефинира, зависно од деловната политика и направената анализа. Оттаму објаснуваат дека се работи за европски компании кои одлуките ги носат врз основа на сериозни повеќегодишни анализи, кои покажуваат дека, како што велат, бизнисот за осигурување на автоодговорност е неодржлив со сегашните цени. -Порастот на цената е предизвикан од континуираниот раст на цените на реосигурувањето, автомобилите, порастот на цената на резервните делови, порастот на платите и постојаната голема инфлациона тенденција. Општиот пораст на цените од 2008 до 2023 година изнесува 61,56 отсто. Истовремено цената за осигурување од автомобилснка одговорност не е променета веќе 15 години и е единствената категорија во нашата земја која не претрпела зголемување на цена, соопштуваат од Националното биро за осигурување, истакнувајќи дека цената на осигурување од автоодговорност во Република Северна Македонија е најниска во регионот. Од НБО посочуваат дека предходната цена на задолжителното авто осигурување била непазарна, прениска, меѓу најниските во регионот, непроменета уште од 2008 година и велат дека ја доведува во прашање исплатливоста на работењето на осигурителните компании во оваа класа, делувајќи демотивирачки на понудата на оваа полиса. -Без поскапувањето овој бизнис е неодржлив и ќе биде полека напуштен од страна на осигурителните компании. Финансиските институции имаат обврска да работат по строго дефинирани одржливи параметри, со цел зајакнување на стабилноста на финансискиот систем. Како потсетување, во 2008 година цената на автомобилската одговорност беше намалена за 30 отсто, но, денес условите за работење се променети и неодржливо е за Осигурителните компании да работат со цени на ова ниво, информираат од Националното биро за осигурување. - Реклама -...
Ковачевски повикува на масовност на гласање на 8 мај, поддршка за Пендаровски очекува од сите граѓани независно од припадноста
365.mk - пред 13 часа
86СподелувањаShareTweet Претседателот на Социјалдемократскиот сојуз на Македонија (СДСМ) Димитар Ковачевски ги повика сите граѓани масовно да излезат на гласање на 8 мај за вториот круг Претседателски и за Парламентарните избори и негира дека СДСМ и ДУИ договараат бојкот на изборите. – Тоа е неточно. Ги повикувам сите гласачи масовно да излезат на изборите на 8 мај и да го поддржат претседателскиот кандидат Стево Пендаровски и коалицијата „За европска иднина“ на Парламентарните избори. Без исклучок да имаме масовен одѕив, да избереме и претседател и парламентарен состав и Македонија да продолжи на својот пат на европските интеграции, рече Ковачевски. За слабите резултати од првиот круг Претседателски избори, на кои нивниот кандидат Стево Пендаровски доби околу 180 илјади гласови, изјави оти е „факт дека граѓаните пратиле многу јасна порака која СДСМ јасно ја примил“. Очекува многу поголема поддршка во втор круг, во кој, рече, продолжуваат „со крената глава“. – Ние ја примивме пораката во првиот круг на Претседателските избори за сите грешки коишто беа направени во текот на изминатите седум години. Седум години не е мал период на водење влада. Но, очекуваме со разговор со граѓаните во сите градови, во сите села во државата да ја добиеме поддршката во вториот круг за претседателскиот кандидат Стево Пендаровски… Но, со крената глава продолжуваме во вториот круг, рече Ковачевски одговарајќи на новинарски прашања по средбата со претставници на МАСИТ. Знае од што се незадоволни граѓаните и дека главни теми што ги преокупираат се поголема борба со корупцијата, поголемо владеење на правото и поголем животен стандард. Но, клучен услов за сето тоа да се оствари, нагласи лидерот на СДСМ, е државата да стане членка на Европската Унија и затоа нивната програма е наслоена „За европска Македонија“. Притоа посочи дека се зaлага за спроведување ветинг, т.е. проверка на имотот на сите судии, обвинители и политичари. На прашањето од кого ќе добијат поддршка во втор круг и дали очекува прелевање гласови од други партии и од граѓани Албанци, одговори дека поддршка ја очекуваат од сите граѓани, без разлика на припадноста. Прочитајте и: Ковачевски: Изборите на 8 мај ќе бидат многу тешки, но СДСМ никогаш нема да се откаже од европската иднина на државата-Никој не ги има гласачите под своја контрола, да ги чува некаде и да ги наведува како да гласаат. Ние имаме кандидат кој е граѓански. Пендаровски е кандидиран со над 22 илјади потписи од граѓаните и е поддржан од коалицијата „За европска иднина“, вклучително и Социјалдемократскиот сојуз на Македонија. И тој јасно кажа на неговата прес-конференција дека ќе ја бара поддршката од граѓаните, а не од кандидатите кои не се пласирале во вториот круг, рече Ковачевски. Потврди дека како лидер на СДСМ има разговори со политичките партии, како што рече, „на различни нивоа“. – Вклучително и јас имам разговори со политичките партии на различни нивоа и ги повикувам сите да имаме масовна излезност на изборите на 8 мај и да избереме претседател на државата со којшто ќе имаме сигурна, европска иднина на државата, и да избереме парламент кој ќе носи храбри одлуки за државата за на граѓаните да им го дадеме она што го очекуваат и заслужуваат, нагласи Ковачевски. Не е точно, рече, дека Пендаровски добил помалку гласови отколку што има членство СДСМ, затоа што, рече, партијата што ја предводи има 74 илјади регистрирани членови. На прашањето дали ќе понесе одговорност и оставка поради слабите резултати, Ковачевски одговори дека до одговорност и за причините се доаѓа врз основа на анализи на ниво на општински организации во партијата, и на ниво на Централниот и Извршниот одбор. -Потоа телата на партијата ги носат одлуките како партијата ќе продолжи понатаму. Така било од формирањето на партијата, така ќе биде и по овие избори и после секои други избори, рече Ковачевски и додаде дека „стандардна процедура е во СДСМ“ е и во статутот е регулирано одржувањето конгрес со анализа на резултатите и потоа избори на кои се бара изјаснување за претседател на партијата и на партиските органи. - Реклама -...
Киев: Русија ги напаѓа украинските железници за да го „парализира“ товарот со помош од Западот
365.mk - пред 13 часа
68СподелувањаShareTweet Русија ги засили нападите врз украинската железничка инфраструктура со цел да го попречи движењето на воениот товар што вклучува помош од Западот, изјави денеска висок украински безбедносен извор, јавија француските медиуми, пренесува порталот Баронс. Зголемувањето на смртоносните напади има за цел да ги уништи железничките постројки и да ги „парализира испораката и движењето на воениот товар“ пред планираната руска офанзива, тврди изворот. – Тоа се стандардни чекори пред офанзива, додава тој. Русија денеска соопшти дека користела проектили и артилерија за да ја таргетира железничката инфраструктура и западното оружје што се транспортира по железница во Украина. Прочитајте и: Франција и Германија потпишаа договор за заеднички проект за вооружувањеМосковското Министерство за одбрана соопшти дека нејзините сили го погодиле „западното оружје и воената опрема“ што се транспортирале по железница еден ден претходно во регионот на Доњецк, а цел биле и железничките објекти во регионот Харков. - Реклама -...
Во Велика Британија се тестира персонализирана mRNA вакцина против меланом, која може да спречи и рак на белите дробови, мочниот меур и бубрезите
365.mk - пред 13 часа
104СподелувањаShareTweet Првата персонализирана mRNK вакцина против меланом, која може да спречи и рак на белите дробови, мочниот меур и бубрезите, се тестира врз пациенти во Велика Британија. Таа вакцина функционира така што го поттикнува телото да ги бара и уништува клетките на ракот за да спречи враќање на смртоносната болест, а може да се прилагоди на секој човек за само неколку недели, пишува „Индипендент“. Според весникот, втората фаза од испитувањето на вакцината, во чие производство учествувале фармацевтските гиганти „Модерна“ и „МСД“, покажала значително намалување на ризикот од повторување на ракот кај пациентите со меланом. Сега е покрената финалната фаза на трите испитувања, кои ги предводи Универзитетската колеџ болница во Лондон (UCLH). Д-р Хедер Шо, координатор на испитувањето, рече дека вакцината има потенцијал да излечи луѓе со меланом и дека се тестира за други видови на рак. Новата вакцина има за цел да го поттикне имунолошкиот систем да се бори со специфичен тип на рак. - Реклама -...
Први мај и вториот ден на Велигден неработни за сите граѓани, а Велики петок за граѓаните од православна вероисповест
365.mk - пред 14 часа
86СподелувањаShareTweet Денот на трудот 1 Мај (среда) и понеделник (6 мај) вториот ден на Велигден според православниот календар се неработни денови за сите граѓани, соопшти Министерството за труд и социјална политика. Исто така, од МТСП информираат дека Велики петок (3 мај) е неработен ден за граѓаните од православна вероисповед во Република Северна Македонија. Од Министерството за труд и социјална политика на граѓаните им ги честитаат престојните празници. - Реклама -...
Хаос пред градското собрание во Тирана, фрлени молотови коктели врз објектот
365.mk - пред 14 часа
50СподелувањаShareTweet Молотови коктели и други запаливи средства врз објектот на градското собрание во Тирана, фрлаа учесниците на протестот организиран од опозициските демократи-приврзаници на Сали Бериша. Поради сериозноста на состојбата зголемено е присуството на полициските трпи, кои на учеснците во протестот не им дозволија насилно да влезат во објектот а во гаснењето на пожарот учествуваше противпожарна единица. Ова е четврти по ред протест на „Иницијативата за обнова на ДП“, поддржан и од Партијата на слободата на Илир Мета, како и Алијансата за заштита на театарот, на кои се бара оставка на градоначалникот Ерион Велиај. Барањето за негова оставка се бара по откривањето на скандалот за злоупотреба на државни средства, за што, по налог на Специјалнорто обвинтелство против организиран криминал и корупција, СПАК, се уапсени десеттина високи раководители во општината, блиски соработници на Велиај. -Правдата ќе биде задоволена, бидејќи граѓаните се на нозе! Никогаш нема да отстапиме од нашата борба, порачаа дел од оние кои се обратија до сега на протестот. Организаторите бараат од полицијата да им се дозволи протестот да продолжи до 20 часот. - Реклама -...
На Токсикологија поплавени лекарски канцеларии, болнички соби, сметководство, амбуланта на ОРЛ… штетата дополнително ќе се утврдува
365.mk - пред 14 часа
72СподелувањаShareTweet Поплавени се речиси сите лекарски канцеларии на вториот кат, болнички соби на првиот кат, Одделението и сметководство, ходниците на приземјето, чекалната се до амбулантата на ОРЛ и дел од подрумските простории. Штетата дополнително ќе се утврдува, информира денеска медицинскиот директор на Клиниката за токсикологија, Данил Петровски, по поплавата што се случила синоќа. Тој истакна дека поплавата се случила ноќеска во еден часот по полноќ. – Пукна радијатор во една лекарска канцеларија на вториот кат на Клиниката. Дежурната екипа веднаш ја повикала техничката служба за одржување на парно, но не успеале да го допрат истекот на водата во следните четириесетина минути. При што, повикано е лице од клиниката кое помогнало да се сопре водата од главните вентили, додаде Петровски. Вработени од Клиниката претходно изјавија дека ноќеска пукнала цевка од парно поради што биле поплавени простории во обектот. Според нив, повеќе од два часа биле поплавени просториите, а проблем е тоа што Клиниката не е осигурена. Од Министерството за здравство за МИА потврдија дека ноќеска имало пукната цевка од парно и дека проблемот е веднаш саниран. Прочитајте и: Демири: Ако Клиниката за токсикологија не била осигурена, менаџментот треба да преземе одговорност – Нема штета, се е повторно вратено во функција, велат од Министерството за здравство за МИА. Во понеделникот лекари од Клиниката алармираат дека се соочуваат со проблеми во работењето и дека главен проблем во моментот е доекипирањето на лабораторијата. Посочија дека било барано да се вработат двајца лаборанти и еден болничар, за да може да се функционира. Истакнаа дека се соочуваат со отпор и несоработка од страна на новоназначената организациска директорка која инсистирала да бидат примени сите 18 лица кои претходно биле примени со договор на дело, а на кои им истекол договорот. Меѓу нив, како што посочија лекарите во понеделникот е и болничар, кој вршел притисок кај лаборант да замени урина во која имало наркотици, со чиста урина. Ставот на лекарскиот колегиум, е дека немаме потреба од толкав број нови вработувања. Министерот за здравство Илир Демири најави дека ќе го разреши медицинскиот директор на Клиниката за токсикологија, Данил Петровски, а во врска со работењето на економската директорка рече дека нема констатирано ниту едно прекршување на право. - Реклама -...
Столтенберг: Кина мора да престане да ѝ помага на Русија во војната против Украина
365.mk - пред 1 ден
63СподелувањаShareTweet Кина мора да престане да и помага на Русија во војната против Украина, ако сака да има добри односи со Западот, изјави денеска генералниот секретар на НАТО, Јенс Столтенберг, оценувајќи дека помошта на Пекинг е „од витално значење“ за руските сили. Тој истакна дека Кина најмногу и помогнала на Русија со тоа што и обезбедила врвна технологија како што се полупроводници. „Од вкупната количина на електроника што Русија ја има увезено, 90 се од Кина и се користат за производство на ракети, тенкови и авиони. Кина исто така работи на тоа да и обезбеди на Русија подобрени сателитски можности и снимање“, рече Столтенберг. Прочитајте и: Упориште на украинската армија на периферијата на Часов Јара е под руска контрола, соопшти руското МОТој оцени дека Кина не може да има добри односи „во двете насоки“. „Кина вели дека сака добри односи со Западот. Во исто време, Пекинг продолжува да го поттикнува најголемиот вооружен конфликт во Европа од Втората светска војна“, рече Столтенберг. Тој ги предупреди западните сојузници да не станат зависни од Кина како што беа од Русија. „Во минатото направивме грешка што станавме зависни од руската нафта и гас. Не смееме да ја повториме таа грешка со Кина. Да бидеме зависни од нејзините пари, суровини, технологии – зависностите нè прават ранливи“, рече Столтенберг. - Реклама -...
Слот: Сакам да бидам нов менаџер на Ливерпул
365.mk - пред 1 ден
36СподелувањаShareTweet Арне Слот најверојатно ќе биде новиот менаџер на Ливерпул. Ова лично го потврди и шефот на холандскиот Феенорд, кој во интервју изјави дека сака да стане тренер на „црвените“ и да го наследи Јирген Клоп на кормилото на клубот. – Сакам да бидам нов менаџер на Ливерпул, мојата одлука е јасна. Феенорд и Ливерпул во моментов преговараат и чекам да видам што ќе излезе од тоа. Уверен сум, ги чекам двата клуба да постигнат договор, изјави Арне Слот за ЕСПН. Слот успеа да ги освои Ередивизи и Купот на Холандија, како и да се пласира во финалето на Конференциската лига, каде неговиот тим загуби со 0:1 од Рома. - Реклама -...
Мицкоски од Струга повика на обединување на целиот народ (сите етнички заедници) за црвен картон за СДСМ и ДУИ
365.mk - пред 1 ден
86СподелувањаShareTweet Лидерот на ВМРО – ДПМНЕ и носител на листата во Изборната единица 1 Христијан Мицкокси вечерва од Струга повика на сеопшто државно обединување на народот и сите сегменти на општеството против актуелната Влада и масовно да застанат зад коалицијата предводена од неговата партија и кандидатката за претседател Гордана Силјаноска Давкова. – Ги повикувам сите и стари и млади, албанци, турци, срби, бошњаци, роми, власи, сите граѓани во Македонија да се приклучат. Ова не е само моја или само наша битка овде, туку битка на народот против оваа власт. Подавам рака и барам да се приклучат сите: земјоделците, вработените, невработените, лекарите, млади, стари, стопански комори.., против заедничкото зло и изворот на сите страдања, а тоа е оваа Влада на СДСМ и ДУИ, рече Мицкоски. На народот му порача да не дозволи да биде уценуван, од како што посочи, оние што треба да ги сменат. – Знам дека ќе се обидат овие денови да уценуваат, посебно овие од ДУИ за да излезат на претседателските избори во вториот круг. Тоа не е воопшто државотворен чекор. Тоа воопшто не е чекор на политички партии кои се претставуваат изминатите шест и пол години не само дома, туку и во меѓународната заедница како државотворни партии. Тие се обични кукавици кои сакаат да уценуваат и се силни само кога пред себе имаат слаб противник, рече Мицкоски. Според него, народот е посилен од секое сценарио на владата на СДСМ и ДУИ, и им се заблагодари на граѓаните за поддршката и победата. – Народот покажа дека е посилен од секое сценарио, од секоја шема направена од истите политичари кои со години крадат и се богатат на грбот на сиромашниот и напатен народ. Им доаѓа крајот, цунамито се крена, а потресот го направивте вие народот на Македонија и ви благодарам за тоа, истакна Мицкоски. Резултатот на вчерашните избори, нагласи, бил одговор за, според него, предавствата, аферите, криминалот и понижувањата на Македонија и граѓаните од владата на СДСМ и ДУИ. Мицкоски потенцираше дека ВМРО-ДПМНЕ има план и програма „Платформа 1198“ со која ќе ја трансформира Македонија напред. – Работата не е завршена. Победата е голема. Финалето следи на 8 мај. Имаме противник кој нема да жали средства ниту методи за да си ги задржат фотелјите. Добија жолт картон вчера, на 8 мај треба да добијат црвен. Црвен картон за цела влада. Имаме обврска да им ги срушиме сите идеи за калкулации и предавства. Сите нивни понижувања кои ги прават посебно изминатите денови. Ова е револуција на народот на Македонија и таа нема да запре. Затоа ве молам, ве молам за поддршка од сите. Повикувам за сеопшто државно обединување на народот и сите сегменти на општеството против оваа влада, нагласи Мицкоски. Прочитајте и: ЗНАМ: Изборите се делумно фер и демократски, и покрај опструкциите ги исполнивме целите на кампањатаНосителот на листата во Изборната единица 5 Ѓорѓија Сајкоски од стружани побара обединување и поддршка за реализирање на идејата за Македонија да биде развиена држава, со добра инфраструктура, подобро образование, здравство, економија… – Затоа што на моите браќа македонци муслимани од околината и на албанците што живеат тука, и на сите стружани, кичевчани, охриѓани…. и од цела Македонија им е потреба подобра инфраструктура, поголем економски развој, подобро здравство. Затоа да се обединиме околу ВМРО – ДПМНЕ и коалицијата „Твоја Македонија“ и да донесеме голема огромна победа за идната влада предводена од ВМРО – ДПМНЕ. Да донесме влада која нема и никој неможе да ја уценува и да ја принуди. Да донесеме влада која сака да донесе подобар живот за сите нас, рече Сајкоски. Ги повика граѓаните, како што рече, на 8 мај, да излезат референдумски, за слободна Македонија. – Да излезете сите и оние кои не излегле првиот пат од разни причини, и тие што гласале за други политички субјекти, сите кои и мислат добро на Макеоднија. Да се обединиме за заедничка Македонија, која ќе ги врати децата од надвор и ќе ги задржи оние што сакаат да си одат од нашата држава, порача Сајкоски. И кандидатот за пратеник Јован Јаулески им порача на стружани да се обединат, нагласувајќи дека само обединети ќе успеат да ја постигнат целта Македонија да застане на свои нозе и да биде повторно горда. – Струга може да се обедини и Струга може да покаже како се сака Македонија. Да не се делиме, да не ги делиме гласовите, за две недели да гласаме заедно и единствени за пратеничката листа предводена од ВМРО – ДПМНЕ и професорката Гордана Силјановска Давкова. Да им покажеме на сите дека мудро и демократски знаеме да си ја одбраниме државата, рече Јаулески. Ѓорѓи Шопоски, канидат за пратеник од листата на ВМРО – ДПМНЕ во ИЕ 5, упати апел до младите да не се откажуваат, забележувајќи дека за СДСМ и ДУИ потребите на младите се далеку на дното на нивната агенда и оти не им е во интерес да изградат здраво општество во кое младите би имале широк спектар на можности. – Не откажувајте се, има надеж. Светлото во мракот сме ние. Ние сме тие кои мора да станат да излезат од дома и да покажат смелост. Тука, почнува се од дома. Затоа ве охрабрувам тргнете, вложете дел од себе во Македонија и не губете надеж, затоа што знам дека ВМРО – ДПМНЕ ќе биде постојана поддршка. Оваа битка за некого е последна, но за нас е прва, истакна Шопоски. - Реклама -...
Чави објасни зошто се премисли за напуштањето на Барселона
365.mk - пред 1 ден
41СподелувањаShareTweet Тренерот на Барселона, Чави Ернандез на специјална прес-конференција објасни зошто решил да се повлече од својата одлука објавена во јануари да го напушти клубот на крајот на сезоната и наместо тоа да продолжи да раководи со тимот. Младиот стручњак увери дека ја чувствува поддршката од сите во клубот. Сфатил и дека проектот на Каталонците не е завршен и дека мора да продолжи. -Ќе бидам краток и ќе ги кажам причините поради кои ја променив мојата одлука. Сите ги знаат моите чувства кон овој клуб и дека сум голем навивач на Барселона. Секогаш се трудам да дадам се од себе за Барса, клуб кој добро го познавам. Најважно е да се размислува за институцијата. Отсекогаш сум велел дека мојата работа зависи од резултатите, а добив голема доверба од целото раководство. Исто така беше важно да добијам поддршка од мојот персонал и моите играчи. Навивачите ми покажаа дека треба да останам. Сите веруваме дека овој проект треба да продолжи. Како што му кажав на претседателот, веруваме во стабилноста на клубот. Видов дека овој проект не е завршен. Треба да продолжиме бидејќи работиме добро, проектот е победнички, изјави тренерот. Прочитајте и: Барселона ја тужи шпанската федерација, судот одлучува за голот на Јамал против РеалСпоред него, заедницата околу Барса мора да разбере дека мора да продолжиме да работиме напорно и да го консолидираме проектот. -Ова е причината за мојата промена на мислењето. Вистина е дека пред неколку месеци мислев дека најдобар избор е заминувањето, но вчера за само неколку минути совршено разбравме дека најдобрата одлука за клубот е да продолжиме заедно. Многу сум благодарен што продолжувам и сега сме возбудени што ќе донесеме стабилност на овој проект и на клубот. Затоа им благодарам на сите за довербата, рече уште Чави во воведниот говор. - Реклама -...
Ковачевски: Изборите на 8 мај ќе бидат многу тешки, но СДСМ никогаш нема да се откаже од европската иднина на државата
365.mk - пред 1 ден
95СподелувањаShareTweet Изборите на 8 мај ќе бидат многу тешки, но резултатот сè уште не е одлучен. СДСМ никогаш нема да се откаже од европската иднина на државата, затоа што само така ќе успееме да изградиме подобар животен стандард, порача претседателот на СДСМ Димитар Ковачевски попладнево во Сарај во рамки на митингот на Коалицијата за европска иднина. – Ја прифаќаме силната порака која на вчерашниот изборен ден ни ја испратија граѓаните. Знаеме дека изборите на 8-ми мај ќе бидат многу тешки, но резултатот сè уште не е одлучен. Одлуката е во рацете на граѓаните, но сите треба добро да размислат како ќе влијае на нашата иднина ако десничарска партија добие преголема моќ или ако се вратиме во грдите времиња на меѓуетнички тензии, истакна Ковачевски. Прочитајте и: ЗНАМ: Изборите се делумно фер и демократски, и покрај опструкциите ги исполнивме целите на кампањатаПотенцираше дека СДСМ никогаш нема да се откаже од европската иднина на државата, затоа што, како што вели, само така ќе успеаме да изградаме поквалитетно образование и здравство, поефикасна борба против криминалот и корупцијата и подобар животен стандард за сите граѓани. - Реклама -...
Нема да има прегласување на трите избирачки места во Куманово, ќе бидат разрешени избирачките одбори
365.mk - пред 1 ден
68СподелувањаShareTweet Гласањето на трите избирачки места во кумановско каде вчера имаше прекин повеќе од три часа нема да се повтори бидејќи тоа не влијае на конечните резултати, а ќе бидат разрешени и избирачките одбори на овие избирачки места, одлучи Државната изборна комисија. На седница одржана попладнево беше образложено дека избирачките одбори не постапиле согласно упатствата на ДИК. – Врз основа на пристигнатите записници од ОИК доставени до ДИК и од увидот во истите и комуникацијата што ја имавме остварено во текот на вчерашниот ден со ОИК Куманово утврдивме дека избирачките одбори на овие три места немаат постапено соодветно на упатствата што ги носи ДИК, рече Бобан Стојановски од ДИК. Исто така ДИК ја задолжи и правната служба да утврди дали има основи за одговорност на избирачките одбори. – Ова го правиме не само затоа што има законска основа за разрешување, туку и поради нашата законска обврска да се грижиме за законитоста и да испратиме во очи на вториот круг од претседателските избори и парламентраните избори генерална порака за правата и одговорностите на органите за спроведување на изборите. Тоа ќе биде порака до сите избирачки одбори дека треба да си ја вршат работата одговорно и согласно законот, рече Борис Кондарко. ДИК одлучи избирачките одбори на 8 мај кога ќе се одржи вториот круг од претседателските избори и првиот круг од парламентарните избори да имаат по седум члена наместо сегашните пет члена со цел подобра ефикасност во организацијата на работа, избегнување на гужви на гласачкото место и избегнување на можноста од евентуални грешки. Прочитајте и: Ванковска: Прерано прогласување на трката за готова не е демократски процесСпоред првичните официјални резултати што попладнево ги објави ДИК, во вториот круг од претседателските избори влегуваат кандидатите на СДСМ и на ВМРО-ДПМНЕ, Стево Пендаровски и Гордана Силјановска-Давкова. За Силјановска-Давкова гласале 363.086 гласови или 40.08 проценти, за Пендаровски 180. 500 гласачи или 19,92 проценти, за Бујар Османи од ДУИ 121.088 или 13,07 проценти, за Максим Димитриевски од ЗНАМ 83.856 гласови или 9,26 проценти, за Арбен Таравари од албанската опозиција Вреди 83.393 гласови или 9,2 проценти, за Билјана Ваковска од Левица 41.331 глас или 4,56 проценти и за Стево Јакимовски од ГРОМ – 8.121 глас. Во првиот круг на гласање излегле 905.971 граѓани односно 49,93 проценти. Вкупниот број на неупотребени гласачки ливчиња е 908.384, а вкупен број на неважечки ливчиња 24.562 или 2,71 проценти. Приговорите за постапката на гласање може да се поднесат до ДИК до утре до 19 часот, а до утре на полноќ истекнува и рокот за приговори во однос на сумирањето на резултатите од изборите. ДИК е должна да донесе одлука во рок од 72 часа по приемот на приговорот, а кандидатите имаат право на тужба до Управниот суд кој, пак треба да одлучи во рок од 48 часа по приемнот на тужбата. - Реклама -...
Бројот на Австријци кои живеат во сиромаштија пораснал за повеќе од 50% од 2022 до 2023 година
365.mk - пред 1 ден
77СподелувањаShareTweet Бројот на Австријците во апсолутна сиромаштија е зголемен за повеќе од 50 отсто, од 201.000 во 2022 година на 336.000 минатата година, објави денеска австрискиот Заводот за статистика. Во однос на бројот на жители, ова претставува зголемување од 2,3 приценти во 2022 година на 3,7 отсто во 2023 година, што е најголем процент во изминатите пет години. Според бројките презентирани од Заводот за статистика, погодените луѓе не можеле да си дозволат многу секојдневни работи како наем, греење или храна. Децата и младите се релативно почесто погодени од сиромаштија отколку возрасните. Околу 5,3 отсто од луѓето на возраст под 18 години (88.000 луѓе) биле значително финансиски и социјално загрозени. Додека 1,9 процент од лицата над 65 години (30.000 луѓе) се погодени од сиромаштијата. Исто така, 41 отсто од самохраните родители и 31 отсто од семејствата со најмалку три деца се изложени на ризик од сиромаштија. Според податоците, процентот на жители во ризик од сиромаштија би бил дури 42 отсто без државните социјални бенефиции. – Зголемувањето на цените на храната, киријата и енергијата ја влоши состојбата на луѓето кои живеат во сиромаштија, изјави австрискиот министер за социјални работи Јоханес Рауч, додавајќи дека тоа е срамно за земја како Австрија. Според него растот на детската сиромаштија во Австрија е загрижувачки. За мене е целосно неприфатливо тоа што децата треба да растат во сиромаштија, нагласи Рауч. - Реклама -...
Писториус: Русија произведува повеќе оружје отколку што ѝ е потребно за војната во Украина
365.mk - пред 1 ден
63СподелувањаShareTweet Германскиот министер за одбрана Борис Писториус тврди дека Русија произведува повеќе оружје отколку што и е потребно за да ја продолжи својата војна во Украина. Во интервју за телевизијата АРД, на прашање дали го споделува стравот на балтичките земји дека Русија ќе може да нападне територија на НАТО за неколку години, тој одговори дека нема кристална топка за да ја предвиди иднината. „Но, она што го велат воените експерти и специјалистите за оружје е дека Русија го зголемува производството на оружје“, рече тој. Писториус истакна дека поголемиот дел од произведеното не се испраќа на фронтот, туку оди во магацини. Според германскиот министер за одбрана, во случај на ескалација ќе биде вклучено цело НАТО. Прочитајте и: Упориште на украинската армија на периферијата на Часов Јара е под руска контрола, соопшти руското МО„Во тој случај треба да можеме да се одбраниме, да ја водиме војната што ќе ни се наметне. Затоа сега не штедиме напори за соодветно опремување на вооружените сили во Европа, во НАТО“, додаде тој. - Реклама -...
Таравари демантира дека вчера имал тајна средба со Ахмети, на која добил понуда
365.mk - пред 1 ден
59СподелувањаShareTweet Претседателскиот кандидат на албанската опозициска коалиција „Вреди“, Арбен Таравари преку соопштение ја демантира веста објавена од албанскиот „Топ-ченел“ оти вчера тајно се сретнал и добил понуда од претседателот на Демократската унија за интеграција Али Ахмети по резултати од претседателските избори. Во веста на „Топ-ченел“ се вели дека „Таравари добил сериозна понуда од Ахмети да се приклучи на „Европскиот фронт’“, за која велат дека самиот Таравари ја потврдил информацијата за средбата“. -Неколку часа по поразот на вчерашните претседателски избори, претседателот на Алијансата за Албанците, Арбен Таравари одржал тајна средба со претседателот на ДУИ, Али Ахмети и техничкиот премиер на Северна Македонија, Талат Џафери. Самиот Таравари ја потврди средбата за домашните медиуми, но не сакаше да даде повеќе детали. Прашан дали ќе ја прифати понудата што му ја дал првиот човек на ДУИ, Али Ахмети, Таравари изјави дека наредните денови јавно ќе проговори. Медиумите објавија дека на средбата на која присуствувал и еден министер од ДУИ во владиниот кабинет, Ахмети му дал сериозна понуда на Арбен Таравари да се приклучи на „Европскиот фронт“ и сега се очекува неговиот конечен одговор, објави „Топ-ченел“. Таравари во вели дека оваа вест е лажна и посочува дека не би било изненадување доколку дојде Ахмети со некаква понуда до него. -Со жалење денеска од еден многу сериозен албански медиум како што е Топ-ченел дознав дека синоќа сум се сретнал со господинот Ахмети и други функционери на ДУИ, за да слушнам понуда од него. Не, не е вистина. Кој и да ја дал оваа вест на Топ-ченел, лаже. Синоќа му честитав на мојот тим и мирно денеска продолжуваме со нашата работа Кон промената! Навикнат сум на понудите на Ахмети и мислам дека не би било изненадување доколку дојде до мене, но оваа вест е лажна, истакнува Таравари. Прочитајте и: ДУИ слави на плоштадот „Скендербег“ во СкопјеНа вчерашниот прв круг од претседателските избори претседателскиот кандидат на „Влен“, Таравари е на четврто место од седуммината кандидати со освоени 83.356 или 9,21 отсто од гласовите, додека претседателскиот кандидат на „Европскиот фронт“, Бујар Османи е на третото место со освоени 120.903 гласови или 13,36 проценти. Бујар Османи победи во Арачиново (53,51 отсто), Боговиње (55,33 отсто), Врапчиште (58,02 отсто), Дебар (49,88 отсто), Долнени (32,95 отсто), Желино (49,45 отсто), Липково (56,83 отсто), Пласница (66,91 отсто), Сарај (55,49 отсто), Струга (39,38 отсто), Студеничани (50,54 отсто), Теарце (41,30 отсто), Тетово (37,91 отсто), Чаир (40,65 отсто), Центар Жупа (35,03 отсто) и Шуто Оризари (37,11 отсто). Арбен Таравари освои најмногу гласови во Гостивар (32,26 отсто). Првичните резултати што Државната изборна комисија ги објави изутрината на својата веб-страница покажуваат дека од обработени речиси 100 проценти од гласачките ливчиња, најмногу гласови на вчерашните претседателски избори освои кандидатката на ВМРО-ДПМНЕ Гордана Силјановска Давкова, 362.682 (40,08 отсто), пред Стево Пендаровски од СДСМ со 180.306 (19,93 отсто). - Реклама -...
Полска не се откажува од барањето за репарација од Германија за Втората светска војна
365.mk - пред 1 ден
63СподелувањаShareTweet Шефот на полската дипломатија Радослав Шикорски во денешниот говор пред Парламентот во Варшава ја повика Германија да даде предлози како да се санираат штетите нанесени на Полска за време на Втората светска војна. Според него, Германија би можела да обезбеди финансиска поддршка на Полјаците кои ја преживеале германската окупација помеѓу 1939 и 1945 година, да придонесе за реставрација на уништените историски градби или да поттикне во поголема мера учење на полски јазик и познавање на полската историја во Германија. – Германските инвестиции во безбедноста на Полска и на целиот регион се клучни. Тоа би било израз на фактот дека грешките од минатото се разбрани и оти се добредојдени предизвиците на иднината, посочи Шикорски. Прочитајте и: Германија ги повика индустриски развиените земји да ги исполнат ветувањата за климатаГерманската инвазија на Полска во септември 1939 година го означи почетокот на Втората светска војна. Според извештајот на поранешната полска владата на Правда и право (ПиС) од 2022 година, над 5,2 милиони луѓе загинале во Полска за време на Втората светска војна, а над 2,1 милиони луѓе биле испратени во Германија на принудна работа. - Реклама -...
Судот во Њујорк ја поништи пресудата за силување на Вајнштајн и го врати случајот на ново судење
365.mk - пред 1 ден
77СподелувањаShareTweet Врховниот суд на државата Њујорк денеска ја укина пресудата на холивудскиот продуцент Харви Вајнштајн (72), осуден во 2020 година на 23 години затвор за силување. Пресудата, која потоа беше прогласена за победа на движењето „Ми ту“ (Me Too) против сексуалното недолично однесување, беше поништена бидејќи, според Врховниот суд, Вајнштајн не добил правично судење. Според одлуката на Апелацискиот суд, судијата што го водеше судењето на Вајнштајн згрешил дозволувајќи им на жените чии обвиненија не биле дел од случајот да сведочат. Во пресудата се вели дека ова значи дека му се суди за неговото минато однесување, а не само за злосторствата за кои беше обвинет. Одлуката беше донесена со четири гласа „за“ и три „против“ и беше наредено ново судење. Вајнштајн отслужува 23-годишна затворска казна во њујоршкиот затвор, откако беше прогласен за виновен за кривично дело за принудување орален секс со асистентка на телевизиски и филмски продуцент во 2006 година и силување на млада актерка во 2013 година. Тој ќе остане во затвор бидејќи беше осуден на 16 години затвор во 2022 година и во Лос Анџелес за друг случај на силување. - Реклама -...
Поголема излезност во вториот круг за стабилна влада на ВМРО-ДПМНЕ која нема да биде уценувана од никого, апелираат Николоски и Милошоски
365.mk - пред 1 ден
95СподелувањаShareTweet Влада предводена од ВМРО-ДПМНЕ, а бидејќи во Македонија е непишано правило да има партнер од албанскиот политички кампус, односно на сега така наречена албанска опозиција или ВЛЕН, да се обедини заедно со нас и да формираме влада која радикално ќе расчисти со сето она што во моментот е владеење во Македонија, од СДСМ и особено од ДУИ, бидејќи во моментот ДУИ владее со Македонија и тие се вистинските газди на Македонија и на тоа ќе ставиме точка, рече носителот на изборната листа на ВМРО-ДПМНЕ и коалицијата, Александар Николоски во одговор на новинарско прашање по синоќешната честитка на Таравари до Мицкоски и коалицирањето по изборите за формирање влада. На прашање за прогноза за исходот од парламентарните избори во изборната единица четири, Николоски рече дека е неблагодарарно да се прави таква пресметка, имајќи предвид дека се работи за различен тип избори. – Јас можам да ви кажам, за прв пат, што очекувам како резултат во четвртата изборна единица. Мислам дека ВМРО-ДПМНЕ ќе освои меѓу 12 и 13 пратеници и тоа е резултатот на кој ние целиме, одговори Николоски. Прочитајте и: Мицкоски од Струга повика на обединување на целиот народ (сите етнички заедници) за црвен картон за СДСМ и ДУИТој се заблагодари за поддршката што вчера ја доби кандидатот за претседател, Гордана Силјановска Давкова, посебно во струмичко и, како што рече, е среќен што како носител на листата во четвртата изборна единица е постигната резултат кој за ВМРО-ДПМНЕ е голема обврска. – Очекувам на 8 мај да имаме убедлива победа за Гордана Силјановска Давкова и најмногу пратеници за ВМРО-ДПМНЕ, коишто ќе овозможат стабилна влада која нема да биде уценувана од никого и коишто ќе овозможат во опозиција да одат и СДСМ и ДУИ, додаде Николоски. Изјава даде и кандидатот за пратеник, Антонијо Милошоски, кој побара одзивот на избирачите да биде поголем во вториот круг на претседателските избори на 8 мај. Тој додаде дека бројот на македонски државјани кои се незадоволни од политиката на ДУИ и СДСМ е се поголем и граѓаните имаат силна политичка волја за промена на власта. - Реклама -...
Германија ги повика индустриски развиените земји да ги исполнат ветувањата за климата
365.mk - пред 1 ден
54СподелувањаShareTweet Германија ги повика индустриски развиените земји да ги исполнат своите ветувања за климата и да не ги намалуваат финансиските ресурси за земјите во развој. – Ние во индустријализираните земји треба да продолжиме да ги исполнуваме нашите обврски, изјави шефицата на германската дипломатија Аналена Бербок пред учесниците на состанокот на Петербуршкиот климатски дијалог во Берлин. Таа вети дека Германија ќе продолжи да обезбедува повеќе од шест милијарди евра годишно за климатски проекти во земјите во развој во наредните години, и покрај негативното влијание врз државниот буџет поради војната во Украина. – Нашите финансиски средства за животната средина достигнаа 6,4 милијарди евра и сакам да потврдам дека нашата цел за 2025 година е шест милијарди евра, иако се соочуваме со голем притисок врз буџетот како и многу други, наведе Бербок. Прочитајте и: Франција и Германија потпишаа договор за заеднички проект за вооружувањеТаа додаде дека од клучно значење е развиените земји да им помогнат на земјите во развој. – Ги охрабруваме другите индустриски земји да го следат нашиот пример за да продолжиме заедно да ја исполнуваме нашата посветеност од 100 милијарди за земјите во развој, како што конечно првпат направивме во 2022 година, истакна Бербок. На дводневниот Петербуршки климатски дијалог присуствуваат политичари и климатски експерти од повеќе од 40 земји. - Реклама -...
Илир Мета: Победата на професорката Давкова ќе биде уште поубедлива
365.mk - пред 1 ден
45СподелувањаShareTweet Поранешниот албански претседател и актуелен лидер на опозициската Партија на слободата, Илир Мета, „воодушевен е од вчерашниот изборен резултат на ВМРО ДПМНЕ”. – Вчерашниот резултат во Македонија јасно покажа дека нивното враќање ќе му даде друга уште повисока димензија, на тој модел, кој и ние треба да го следиме прилагодувајќи го на нашите услови, оценил Мета, јави албанската АБЦ њуз. Мета изразува убедување дека победата на кандидатот на ВМРО-ДПМНЕ, професорката Гордана Силјановска-Давкова, ќе биде уште поголема во вториот круг на 8 мај. Според телевизијата, по примерот на случувањата во соседната држава, Илир Мета, кој подготвува реформирање на неговата партија, вели дека треба да се организира и Демократската партија на Албанија за возобновување, и да биде алтернатива на изборите во 2025 година. -Промените ќе бидат многу брзи, промената ќе биде многу силна. Промената што се случи вчера во Македонија и која ќе биде уште поконкретна по наредните две недели, е јасна порака од народите од нашиот регион дека не прифаќаат депопулација и дефакторизација за мафијашки цели на кој било во светот, додал тој. Прочитајте и: Агелер порачува: Ништо нема да се постигне со негласањеОва не е првпат Мета за изборите отворено да ја каже поддршката за ВМРО – ДПМНЕ. Преку објава на социјалните мрежи на 14 месецов изрази директна поддршка за ВМРО – ДПМНЕ и убеденост во победата на партијата на изборите. -Очекуваната победа на ВМРО-ДПМНЕ на претстојните избори ќе даде нова димензија на економскиот развој на Северна Македонија во иднина од која бенефит ќе имаат сите нејзини граѓани. Земјата ќе продолжи безбедно да чекори по евроатлантскиот пат и повторно Албанците ќе бидат клучната гаранција за тоа, напиша меѓу другото во тогашната објава, постирајќи фотографија од средба со Христијан Мицкоски. Мета шеф на државата беше од 2017 до 2022 година. - Реклама -...
Мицкоски: Масовна излезност е одговорот на евентуален бојкот на СДСМ и на ДУИ на вториот круг од изборите
365.mk - пред 1 ден
81СподелувањаShareTweet Одговор на евентуален бојкот на СДСМ и на ДУИ на вториот круг од изборите е мобилизација на граѓаните и масовна излезеност. Доколку обете партии се решат на бојкот, со тоа ќе покажат незрелост, односно дека не се државотворни туку партии кои што водат интерес за малкумината што ги предводат. Тоа денеска го истакна лидерот на ВМРО-ДПМНЕ, Христијан Мицкоски, кој беше во посета на Охрид. – Треба да сте достоинствени и во поразот. А вчера ВМРО-ДПМНЕ, со резултатите на првиот круг на изборите ја победи целосната владина коалиција убедливо. Тука зборувам на двајцата кандидати на власта – едниот е Стево Пендаровски, вториот е Бујар Османи. Кога заедно ќе ги соберете доаѓаат околу 300 илјади гласа. ВМРО-ДПМНЕ само, односно професорката Силјановска има 363 илјади гласа, според последните бројки коишто доаѓаат од ДИК. Значи ВМРО-ДПМНЕ како што им кажа така и стори заедно со народот, ја порази Владата. Очигледно е дека има големо антивладино расположение. Тие на овој начин покажуваат дека не се државотворни партии, дека се водат од личен интерес. И мислам дека тоа ќе го препознаат граѓаните на 8 мај за време на вториот круг и на Парламентарните избори, и ќе дојдеме до мнозинство во Парламентот како политичка опција и Коалиција „Твоја Македонија“ предводена од ВМРО ДПМНЕ, истакна тој. Партискиот лидер ја искористи можноста да ја потсети македонската јавност дека двапати во минатото ВМРО –ДПМНЕ можела да се однесува незрело и неодговорно и да уценува, и во 2019 и во 2004 година, но како партија учествувала на тие избори, се борела до последно и била достоинствена и во поразот. – Ние учествувавме на претседателските избори во 2019 година, се боревме до последно, бевме достоинствени во поразот тогаш, и еве пет години се вративме и ги декласиравме. Истото тоа се случуваше и во 2004 година кога беа изборите, потоа следеше расколот во ВМРО-ДПМНЕ кога исто така имаше одредени структури во ВМРО-ДПМНЕ, сегашни коалициони партнери на Пендаровски и Ковачевски, коишто повикуваа на бојкот, но тогашното раководство на партијата излезе, се бореше, загуби. Победи тогашниот кандидат на СДСМ , Бранко Црвенковски, но сепак останавме достојни во поразот. Следеше потоа раскол. Партијата се врати посилна од било кога во 2016 година. Денеска се враќаме посилни од било кога во 2024 година. Така што, така се однесува државотворна одговорна партија, рече лидерот на ВМРО-ДПМНЕ. Прочитајте и: ДУИ слави на плоштадот „Скендербег“ во СкопјеИстовремено, тој ги повика граѓаните масовно, како никогаш до сега да излезат на следните Парламентарни избори и вториот круг од Претседателските избори, за да не се дозволи, како што рече, „типот на политичарите кои што се дел од раководството на СДСМ и Али Ахмети, да ја уценуваат Македонија, а земјата да тоне во политичкото мочуриште коешто тие сакаат да наметнат. – Никој не е посилен од граѓаните. Сега сите алатки се во нивни раце, граѓаните се тие коишто одлучуваат за иднината на своите семејства и за иднината на Македонија. Од тоа што го видов изминативе 21 ден, убеден сум дека тие се обединети околу „Платформата 1198“ и околу потребата за промена. Така што, и покрај овие закани јас очекувам дека граѓаните масовно ќе излезат, дека Гордана Силјановска-Давкова ќе биде новиот претседател, а Коалицијата „Твоја Македонија“ и ВМРО ДПМНЕ, ќе ја формираат идната влада со сопствено мнозинство од 61 пратеник во Парламентот, рече Мицкоски. - Реклама -...
Силјановска Давкова: Горда сум на граѓаните, да им покажеме дека вреди да се учествува на избори
365.mk - пред 2 дена
72СподелувањаShareTweet Немам зборови со кои можам да ја изразам благодарноста, напати дури се срамам зарем е можно толку луѓе вака да реагираат. Не мислам дека сум посебна од многу работи, само знам дека она што ќе го ветам ќе го остварам на мој начин. Во тоа ве уверувам, од првиот ден, изјави кандидатката за претседателка на ВМРО-ДПМНЕ, Гордана Силјановска Давкова. На вечерашната прес-конференција во седиштето на ВМРО-ДПМНЕ, Силјановска Давкова рече дека овој резултат е инспиративен за неа. – Горда сум на мнозина, најпрво, горда сум на граѓаните, не само на оние кои гласаа за мене, туку и на останатите, особено сум горда на членовите на ВМРО-ДПМНЕ заради поддршката. Без нив немаше да го запознам народот, ниту тие мене, рече таа. Дополни дека треба, како што рече, да ги инспирираме граѓаните дека вреди да се учествува на избори. Прочитајте и: ДИК: Гласањето е мирно на сите избирачки места, до 13 часот гласале 26.35 отсто граѓани– Ова е крајот на првиот круг, доаѓа вториот круг, јас ќе се однесувам и во вториот круг кон оној со кој ќе треба да се натпреварувам, со должна почит. Се разбира очекувам таков однос. Не мислам дека треба да фрлиме сенка кон она што се случуваше денеска, треба да ги инспирираме граѓаните, да ги увериме дека вреди да се учествува на избори, да се чуе дека сум горда, особено на граѓаните, а без граѓани нема горда Македонија, дополни таа. Првичните резултати што Државната изборна комисија ги објавува на својата веб-страница покажуваат дека од обработени 80 проценти од гласовите, односно 2 806 од вкупно 3 508 избирачки места, води кандидатката на ВМРО-ДПМНЕ Гордана Силјановска Давкова со освоени 282 075 гласови (39,82%), пред Стево Пендаровски од СДСМ со 137 450 гласови (19,42%). - Реклама -...
Пендаровски: Резултатите не се како што очекувавме но нема предавање, нема да барам договор за префлање гласови на граѓани
365.mk - пред 2 дена
86СподелувањаShareTweet Резултатите не се такви какви што очекувавме, разликата ќе биде околу 130.000. Очекувавме помалку, но утре е нов ден, од утре повторно почнуваме со средби со граѓани кои ги пратикувавме и досега и почнуваме практичнo од нула, истакна вечерва кандидатот за претседател поддржан од СДСМ и коалицијата Стево Пендаровски, на прес-конференција по завршување на првиот круг од гласањето на претседателските избори. – Тргнуваме од нула, од почеток. Моја задача ќе биде, како и во изминативе 20 дена, да го промовирам концептот во кој длабоко верувам, а тоа е интегрирана држава, без поделби. Ги охрабрувам граѓаните кои не излегоа во првиот круг, да учестуваат во вториот круг, затоа што веруваат дека победникот ќе се решава во вториот круг. Очекувам уште поголем одѕив и уште поголем бројка да го препознаат концептот – демократска, просперитетна држава, рамноправна со сите нации, подвлече Пендаровски. Нагласи дека нема да бара никаков договор со никаков пол субјект за т.н. механичко префлување на гласовите. Прочитајте и: Ковачевски: Изборите на 8 мај ќе бидат многу тешки, но СДСМ никогаш нема да се откаже од европската иднина на државата-Тоа е туѓ концепт на моето верување. Не постојат зборови „понудени“ и „префлени“ гласови на граѓани, зад секое име и презиме се крие посебна единка, никогаш во политиката граѓаните не сум ги подразбирал како аморфна маса на која ќе им се каже дали да ги префрлаат гласовите. Ќе одбијам било каков обид за нудење на гласови на граѓани, рече Пендаровски. Едноставно, додаде тој, на сте граѓани ќе им го презентирам мојот концепт и ќе им го презентирам развојот на нашата држава каков ќе биде во иднина. -Нема предавање, на средби со граѓани наидовме на одличен прием, очекувам да го поддржат мојот концепт од сите еднички заедници и социјални структури, додаде Пендаровски. Според официјалните податоци на ДИК од преброени над 80 проценти од гласовите, кандидатката за претседател на ВМРО-ДПМНЕ Гордана Силјановска Давкова со освоени 282 075 гласови (39,82%), пред Стево Пендаровски од СДСМ со 137 450 гласови (19,42%). - Реклама -...
Касами: Добитник на овие избори е Влен, Влен е легитимен претставник на Албанците
365.mk - пред 2 дена
59СподелувањаShareTweet Здружената албанска опозиција вечерва на прес-конференција им се заблагодари на гласачите кои го дадоа гласот за нивниот кандидат за претседател Арбен Таравари и очекува на 8 мај на парламентарните избори да ја победат ДУИ. – Добитник на овие избори е Влен или ДУИ има вкупен број на гласови на помалите етнички заедници и на граѓаните кои имале потреба од нивните пари. Влен е легитимен претставник на Албанците, Влен ги доби гласовите на Албанците. ДУИ со ова однесување го загуби последниот легитмитет да зборува во име на Албанците. Затоа на 8 мај ние ќе победиме. Важно е да потенцираме дека овој резултат и во мандати не е голема разлика од ДУИ и затоа на 8 мај овој резултат ќе биде во наша полза, изјави лидерот на движењето Беса, Биљал Касами. Прочитајте и: До 15 часот излезеноста на изборите е 35.89 проценти, до ДИК 233 приговори за заштита на избирачкото правоКандидатот за претседател Таравари вели дека во сите изборни единици каде доминираат Албанци односно во Првата, Втората и Шестата изборна единица разликата е три-четири илјади гласови. Вели дека немаат одлучено на кого ќе му дадат поддршка во вториот круг. Прашан дали ќе даде оставка доколку изгуби од Османи, Таравари рече да за тоа ќе се разговара во органите на партијата. – Да завршат прво изборите, следат парламентарните избори. Ова се први избори како претседател на партија, во органите на партијата ќе разговараме за ова, рече Таравари. - Реклама -...
Бујар Османи: Длабока победа на Европскиот фронт, тој станува една голема локомотива за европската иднина на нашата држава
365.mk - пред 2 дена
81СподелувањаShareTweet Претседателскиот кандидат на Европскиот фронт, Бујар Османи по завршување на првиот круг гласање од изборот за претседател на државата одржа прес-конференција со лидерите на партиите од коалицијата. Османи изјави дека прелиминарните резултати покажуваат длабока победа на Фронтот, наспроти албанската опозиција со над 40 илјади гласа и со победа во речиси сите општини во земјата. – Сакам да се заблагодарам на сите за поддршката за Европскиот фронт и за мојата кандидатура. Ова е заедничка победа и оваа победа само докажува дека Европскиот фронт станува една голема локомотива за европската иднина на нашата држава. Денес Албанците, Турците, Бошњаците, Ромите докажаа дека тие сами одлучуваат за својата судбина и никогаш нема да дозволат некој друг да одлучува за нив. Волјата на народот денеска е јасна и треба да се почитува од сите, истакна Бујар Османи. Прочитајте и: Груби: Спектакуларна победа на Европскиот фронтТој нагласи дека резултатите покажуваат на етничка поделеност при гласањето. – Сè уште има впечаток дека граѓаните повторно не излегле целосно од етничката бариера помеѓу Македонците и другите етнички заедници што зборува сè уште за едно поделено општество, меѓутоа се надеваме чекајќи ги резултатите дека сепак граѓаните ја пратија пораката на заедништво коешто Европскиот фронт ја лансираше за Северна Македонија држава за еднакви можности на сите граѓани, соживот, хармонија и иднина во Европската унија, истакна Бујар Османи. Тој се заблагодари на сите партии од Фронтот за довербата што ја добил да биде нивни кандидат, а во име на Фронтот на гласачите порача дека нивниот глас е аманет за партиите за идните политики на државата. - Реклама -...
Груби: Спектакуларна победа на Европскиот фронт
365.mk - пред 2 дена
27СподелувањаShareTweet Приврзаниците на ДУИ вечерва на плоштадот „Скендербег“ во Скопје слават по објавата на првичните резултати од првиот круг од претседателските избори според кои нивниот кандидат за претседател Бујар Османи е на третото место пред кандидатот за здружената албанска опозиција Арбен Таравари. Вицепремиерот и министер за политички систем од редовите на ДУИ Артан Груби вечерва на плоштадот Скендербег во Скопје каде беше лоциран Изборниот штаб на противканидатот Таравари, изјави дека е ова спектакуларна победа за коалицијата на Европскиот фронт предводен од ДУИ. -Славиме победа на Европскиот фронт. Славиме дека ќе победиме со над 20 пратеници на 8 мај, на претседателските и парламентарните избори. Ќе славиме ослободување на Чаир, на Тетово, на Гостивар, на Желино и на сите други окупирани општини со помош на ВМРО-ДПМНЕ, Левица, Додик, Путин и Вучиќ. Денеска е ден на ослободување како што ќе биде и 8 мај, ден пред Денот на Европа, рече Груби. Прочитајте и: Ковачевски: Изборите на 8 мај ќе бидат многу тешки, но СДСМ никогаш нема да се откаже од европската иднина на државатаНа плоштадот „Скендербег“ има зголемено полициско обезбедување, а Изборниот штаб на албанската опозиција „Вреди“ е преместен во трговскиот центар Мавровка. - Реклама -...
Јакимовски: Резултатите се далеку од моите очекувања
365.mk - пред 2 дена
32СподелувањаShareTweet Претседателскиот кандидат од коалицијата „Храбро за Македонија“ предводена од ГРОМ, Стевчо Јакимовски, го призна поразот од претседателските избори и ѝ посака среќа во вториот круг на кандидатката за претседателка од ВМРО-ДПМНЕ, Гордана Силјановска – Давкова. – Ја одржувам оваа прес-конференција со цел да го признаам поразот на овие претседателски избори и воедно да ѝ честитам на водството на госпоѓата Гордана Силјановска – Давкова, како и да ѝ посакам среќа во вториот изборен круг, рече Јакимовски. Вели резултатите се далеку од неговите очекувања, но истакна дека граѓаните имаа можност да избират меѓу седум претседателски кандидати. Прочитајте и: ДИК: Првичните неофицијални резултати ДИК ќе ги соопшти околу полноќ– Дали резултатите се задоволувачки според мене, се разбира дека не се. Далеку се од очекувањата. Но, како и да е, битно е дека граѓаните на Република Македонија имаа избор, бираа помеѓу седум свои кандидати. Дали биле во право во тоа што го избрале ќе видиме после пет години, се надевам дека ќе бидеме сите живи и здрави и после пет гопдини ќе констатираме дали изборот бил добар или не, изјави Јакимовски од седиштето на ГРОМ. - Реклама -...
ДИК: По преброени над 70% од гласовите, Гордана Силјановска Давкова води со 39.15%, Стево Пендаровски има 19.19%
365.mk - пред 2 дена
77СподелувањаShareTweet Првичните резултати што Државната изборна комисија ги објавува на својата веб-страница покажуваат дека од обработени 71,19 проценти од гласовите, односно 2 490 од вкупно 3 508 избирачки места, води кандидаткта на ВМРО-ДПМНЕ Гордана Силјановска Давкова со освоени 247 366 гласови (39,15%), пред Стево Пендаровски од СДСМ со 121 228 гласови (19,19%). Трет е Бујар Османи од ДУИ со 92 135 гласови (14,58 %), Арбен Таравари од коалицијата Вреди има 66 262 гласови (10,49 %), Максим Димитриевски од ЗНАМ има 53 223 гласови (8,42 %), Билјана Ванковска поддржана од Левица има 28 445 гласови (4,50 %) и Стевчо Јакимовски од ГРОМ има 5 467 гласови (0,87 %). Гласачките места беа отворени од 7:00 до 19:00 часот. Право на глас имаа 1.814.317 граѓани запишани во избирачки список. Тие на 3.480 избирачки места можеа да се изјаснат за еден од седумтемина кандидати. Прочитајте и: ДИК: Гласањето е мирно на сите избирачки места, до 13 часот гласале 26.35 отсто граѓаниДИК првичните резултати од гласањето добиени по електронски пат ги објавува сукцесивно, а резултатите од записниците од ОИК во рок од 12 часа по завршувањето на изборите. Конечните резултати од изборите ДИК ги објавува во рок од 24 часа од денот на нивната конечност. Одѕивот на денешните претседателските избори до 18 часот изнесуваше 47,61отсто, и е поголем од последните избори за шеф на државата во 2019 година кога до 19 часот на гласање излегоа вкупно 41,67 отсто од запишаните избирачи. За претседател ќе биде избран кандидатот кој освоил мнозинство гласови од вкупниот број евидентирани избирачи, односно 907.159 гласови. Ако никој не го добие потребното мнозинство, ќе се организира втор круг во кој одат двајцата кандидати кои добиле најмногу гласови. Ова се седми непосредни избори за претседател од независноста на државата. Претходните беа одржани во 1994, 1999, 2004, 2009, 2014 и во 2019 година. - Реклама -...
ДУИ слави на плоштадот „Скендербег“ во Скопје
365.mk - пред 2 дена
32СподелувањаShareTweet Приврзаниците на ДУИ вечерва на плоштадот „Скендербег“ во Скопје слават по објавата на првичните резултати од првиот круг од претседателските избори според кои нивниот кандидат за претседател Бујар Османи е на третото место пред кандидатот за здружената албанска опозиција Арбен Таравари. На плоштадот „Скендербег“ има зголемено полициско обезбедување, а изборниот штаб на албанската опозиција „Вреди“ е преместен на друга локација. Прочитајте и: Јакимовски: Резултатите се далеку од моите очекувања - Реклама -...
Тошковски: Одделот за внатрешна контрола во МВР да утврди како е точно постапено во СВР Тетово
365.mk - пред 2 дена
72СподелувањаShareTweet Министерот за внатрешни работи Панче Тошковски потврди дека на советник од неговиот кабинет, упатен со писмена наредба, не му било дозволено присуство во рамки на оперативниот штаб на СВР Тетово и најави дека ќе се преземат сите соодветни мерки, согласно Закон за Влада и можностите во рамки на МВР. – Согласно информациите кои ги имам постапено е од страна на началникот на СВР Тетово, по добиена наредба од страна на директорот на БЈБ, но дали е така или како е конкретно постапено е би сакал сега да навлегувам во детали. Би сакал Одделот за внатрешна контрола во рамки на МВР да утврди како е точно постапено и што е точно преземено и за сите овие детали ќе информираме дополнително, изјави Тошковски. Прочитајте и: ДИК: По преброени над 70% од гласовите, Гордана Силјановска Давкова води со 39.15%, Стево Пендаровски има 19.19%Според Тошковски, не би сакал денот да ги обременува со настани, поврзани со внатрешното работење на МВР, а не се однесуваат на делот на загрозување на изборниот процес. Претходно коалицијата Вреди, на прес-конференција обвини дека началникот на Секторот за внатрешни работи во Тетово, Шефик Бајрами продолжува да работи незаконски, и денеска од СВР Тетово го избркал советникот на министерот за внатрешни работи, кој со допис бил поставен од министерот да биде дел од штабот на СВР-Тетово. Прашан во однос на обвинувањата од коалицијата Вреди за полнење кутии во Липково, Тошковски рече дека таков настан, до моментот на напуштање на оперативниот штаб, формално не е евидентиран. - Реклама -...
ЗНАМ: Изборите се делумно фер и демократски, и покрај опструкциите ги исполнивме целите на кампањата
365.mk - пред 2 дена
68СподелувањаShareTweet Портпаролот на движењето ЗНАМ Никола Мемов денеска на прес-конференција оценувајќи го изборниот процес, констатираше дека изборите се делумно фер и демократски. Според Мемов, имало нерамноправност во медиумското претставување, како и политички притисок врз нивниот кандидат Максим Димитриевски. Мемов појаснува дека преку изборниот законик имале нерамноправност во медиумското претставување на кандидатите за претседател на државата, фаворизирајќи ги кандидатите од четирите најголеми парламентарни партии, со десеткратно поголема медиумска застапеност, платена од граѓаните на државата. -Политичкиот притисок на нашиот кандидат за претседател, преку монтиран судски процес, поради одбрана на јавниот интерес наспроти бизнис интересите на фирми спонзори на власта. Г-нот Димитриевски беше повеќе пати повикуван на судски рочишта и распиш во Обвинителството во сред кампања, само со цел да го нарушат неговиот личен углед, но и динамиката на нашата кампања, рече Мемов. Прочитајте и: Бујар Османи: Длабока победа на Европскиот фронт, тој станува една голема локомотива за европската иднина на нашата државаКако што посочи, без разлика на овие опструкции, Движењето ЗНАМ ги исполнило целите на кампањата. Тој порача дека продолжуваат понатаму со уште позасилено темпо до парламентарните избори на 8 мај. – Преку позитивна, скромна и луцидна кампања на терен и преку медиумите до граѓаните ги пренесовме нашите конзистентни политики и политички пораки. Сакам да им се заблагодарам на сите наши членови и поддржувачи со порака дека продолжуваме понатаму со уште позасилено темпо до парламентарните избори на 8 мај, додаде Мемов. Потенцира дека заедно со граѓаните се подготвени да ја преземат одговорноста за да ја водат државата, наспроти досегашните партии кои се менуваат на власт повеќе од 30 години. -Ги повикувам граѓаните да продолжат да ја даваат својата поддршка за ЗНАМ и одиме понатаму, додаде Мемов. - Реклама -...
САД тајно испратиле проектили со голем дострел ATACMS во Украина
365.mk - пред 2 дена
45СподелувањаShareTweet САД испратија проектили со голем дострел ATACMS во Украина за употреба на нејзина територија, а оружјето пристигна во земјата овој месец, соопшти денеска Стејт департментот. „Можам да потврдам дека САД и дадоа на Украина ATACMS со голем дострел по директна наредба на претседателот“, изјави на брифинг портпаролот на Стејт департментот Ведант Пател. Оружјето беше дел од мартовскиот пакет помош за Украина, а не од штотуку одобрено од Конгресот и потпишан од претседателот Џо Бајден, но „не го објавивме ова на почетокот за да ја одржиме оперативната безбедност за Украина на нивно барање“, нагласи Пател додавајќи дека „ракетите пристигнале во Украина овој месец“. Прочитајте и: Русија ја предупредува Европа: Ако ни го земете имотот, одговорот ќе болиБелата куќа претходно потврди дека САД испратиле варијанта на ATACMS со помал дострел во Украина, што може да помине 165 километри, но типот со најголем дострел може да погоди цели до 300 километри. - Реклама -...
Ванковска: Прерано прогласување на трката за готова не е демократски процес
365.mk - пред 2 дена
50СподелувањаShareTweet Кандидатот за претседател на државата предложен од Левица, Билјана Ванковска вечерва пред партијата да излезе со индикации за тоа како се движат резултатите од денешното гласање изјави дека двојно зголемена излезноста во споредба со претседателските избори од 2019 година, зборува за поголемата понуда што ја имаа граѓаните, но и потребата на гласачите да го искажат својот глас. Оцени дека тоа што некои медиуми веќе ги соопштиле победниците не е демокраски однос. -Може да се констатира дека се уште сме на ниво кога зборуваме за тоа дека кога нема поголеми нерегуларности ние сме среќни и задоволни дека денот поминал мирно без поголеми нарушувања. Останува нормално да се изанализираат оние нерегуларности, инциденти или случаи кои веќе беа нотирани за што секако и Левица ќе има свој став. Јас можам само да се заблагодарам на сите оние кои масовно излегоа денес. Практично, ако не се лажам во бројките, некаде во 17 часот беше двојно зголемена излезноста во споредба со претседателските избори од 2019 година, што зборува од една страна за поголемата понуда што ја имаа граѓаните, тогаш беа тројца кандидати, сега сме седуммина, меѓутоа претпоставувам дека станува збор и за зголемена побарувачка кај граѓаните, односно можност и потреба да го кажат својот глас, да го изразат своето мислење во однос на тоа каде се движи државата, рече Ванковска. Изрази жалење што, како што рече, се добива впечаток дека во земјава се одвиваат два паралелни изборни процеси, бидејќи двајцата противкандидати од албанскиот блок, како да се натпреварувале меѓу себе околу тоа како поминале и како тоа ќе се рефлектира на парламентарните избори. Според неа, би било подобро кога сите кандидати би се обраќале на целата јавност. Прочитајте и: Таравари демантира дека вчера имал тајна средба со Ахмети, на која добил понудаВо однос на македонскиот блок, таа забележа дека некои медиуми веќе ги прогласиле победниците во првиот круг од изборите за претседател, што покажува фаворизирање и смета дека тоа не е демократско однесување. -Тоа ме враќа малку на мојата прва прес-конференција, тоа беше на 7 февруари кога Левица ја објави намерата да собира потписи и едно од првите прашања беше кому Ванковска ќе му ги даде гласовите во вториот круг. И тоа прашање очигледно ме следи се до завршувањето на првиот овој изборен ден. Повторно велам фаворитите се наводно утврдени што малку ја убива возбудата кај граѓаните и верувам дека мнозина од нив тргнале со намера да дочекаат изненадување. Не зборувам само за мене, туку за кој било од противкандидатите, така што мислам дека тоа повторно покажува фаворизирање она што постојано го потенцирам дека кога медиумите дури и наводно анализираат или покануваат аналитичари еден од штаб, друг од другиот штаб создаваат претстава кај граѓаните дека сите други се аутсајдери, маргиналци, луѓе кои залутале во политиката што не е баш демократски однос би рекла кон сите нас, вели Ванковска. Таа очекува дека поголемата излезност ќе значи и поголем број гласови за неа. -Ќе почекаме да ги видиме резултатите. Ние се надеваме дека големата излезност значи повеќе гласови за мене како претставник на Левица и воопшто како човек кој ми се чини дека допре до поширок круг на граѓани не само до поддржувачите на Левица и не само до младите, туку една поширока структура барем од она јас што го имав како контакт жив со мнозина. Велам да почекаме уште малку па ќе правиме вистински анализи. Ова однапред завршување на трката за готова го сметам за преурането, вели претседателскиот кандидат на Левица Ванковска. - Реклама -...
Првични резултати на ДИК: Гордана Силјановска Давкова – 36,99%, Стево Пендаровски – 18,18%
365.mk - пред 2 дена
59СподелувањаShareTweet Првичните резултати што Државната изборна комисија ги објавува на својата веб-страница покажуваат дека од обработени 50,86 проценти, односно 1 784 од вкупно 3 508 избирачки места, води кандидаткта на ВМРО-ДПМНЕ Гордана Силјановска Давкова со освоени 36,99 отсто од гласовите, пред Стево Пендаровски од СДСМ со 18,18 проценти од гласовите. Трет е Бујар Османи од ДУИ со 16,44 проценти од гласовите, Арбен Таравари од коалицијата Вреди има 12,11 %, Максим Димитриевски од ЗНАМ – 7,87 %, Билјана Ванковска поддржана од Левица има 4,38 % и Стевчо Јакимовски од ГРОМ – 1,00 процент. Гласачките места беа отворени од 7:00 до 19:00 часот. Право на глас имаа 1.814.317 граѓани лица запишани во избирачки список. Тие на 3.480 избирачки места можеа да се изјаснат за еден од седумтемина кандидати. ДИК првичните резултати од гласањето добиени по електронски пат ги објавува сукцесивно, а резултатите од записниците од ОИК во рок од 12 часа по завршувањето на изборите. Прочитајте и: Муцунски: Изборниот процес помина генерално во фер и демократска атмосфераКонечните резултати од изборите ДИК ги објавува во рок од 24 часа од денот на нивната конечност. Одѕивот на денешните претседателските избори до 18 часот изнесуваше 47,61отсто, и е поголем од последните избори за шеф на државата во 2019 година кога до 19 часот на гласање излегоа вкупно 41,67 отсто од запишаните избирачи. За претседател ќе биде избран кандидатот кој освоил мнозинство гласови од вкупниот број евидентирани избирачи, односно 907.159 гласови. Ако никој не го добие потребното мнозинство, ќе се организира втор круг во кој одат двајцата кандидати кои добиле најмногу гласови. Ова се седми непосредни избори за претседател од независноста на државата. Претходните беа одржани во 1994, 1999, 2004, 2009, 2014 и во 2019 година. - Реклама -...
Кузеска: Изборите поминаа во фер и демократска атмосфера, ги очекуваме првичните резултати
365.mk - пред 2 дена
54СподелувањаShareTweet Портпаролката на СДСМ Богданка Кузеска вечерва на прес-конференција информираше дека денешниот изборен ден поминал во фер и демократска атмосфера, а граѓаните слободната волја ја изразиле слободно и достоинствено. Таа истакна дека се констатирани само неколку мали прекршувања на изборниот процес кои, како што кажа, ги сметаат за исклучоци. – Изразуваме благодарност до сите граѓани кои денеска излегоа и го дадоа својот глас. Правото на слободно одлучување е највредната придобивка на демократијата, а самото гласање е суштински чин што произлегува од моќта на граѓаните кои одлучуваат за својата иднина, и за иднината на државата, рече Кузеска. Истакна дека ги очекуваат изборните резулати и оти се уверени дека граѓаните како денеска, така и на 8 мај ќе ја поддржат европската иднина на државата. На новинаско прашање дека од ВМРО-ДПМНЕ веќе лиферуваат резултати каде има значителна разлика во резулатите, Кузеска посочи дека претседателските избори имаат два круга, информациите се прибираат и оти наскоро ќе излезат со првични резултати. - Реклама -...
ВМРО-ДПМНЕ: Силјановска-Давкова води пред Пендаровски
365.mk - пред 2 дена
23СподелувањаShareTweet Според податоците што ги објави Аналитичкиот центар на ВМРО-ДПМНЕ, од обработени 30,23 проценти од гласачките места, нивната кандидатка за претседател Гордана Силјановска-Давкова освоила 45 проценти од гласовите, кандидатот на коалицијата предводена од СДСМ Стево Пендаровски 19,92 проценти, а Бујар Османи од ДУИ 11,71 проценти. Четврти е Максим Димитриевски од ЗНАМ со освоени 7, 89 проценти, по што следуваат Арбен Таравари од ВРЕДИ со 7,56 проценти, Билјана Ванковска од Левица 4,53 и Стево Јакимовски од ГРОМ – 1,02 проценти. Прочитајте и: Одѕивот на изборите до 17 часот е 44,18 проценти - Реклама -...
МВР: Изборниот процес помина во безбедна, мирна и демократска атмосфера, без пречки и поголеми инциденти
365.mk - пред 2 дена
68СподелувањаShareTweet Изборниот процес помина без пречки и поголеми инциденти. Во текот на денешниот ден евидентирани се вкупно 12 случаи на фотографирање на гласачкото ливче, два случаи на кинење на гласачкото ливче, шест пријави за нудење поткуп и 15 пријави за агитирање на гласачко мести. Не се евидентирани други посериозни инциденти и нарушување на регуларноста на изборниот процес, информираа техничкиот министерот за внатрешни работи Панче Тошковски и дополнителниот заменик-министер Митко Бојмацалиев. Изборниот ден, Тошковски оцени дека поминал во безбедна, мирна и демократска атмосфера. -Овие избори беа уште еден тест за демократијата и во таа насока, сакам да им честитам на граѓаните кои излегоа и ја исполнија својата граѓанска должност и со тоа уште еднаш го истакнаа демократскиот капацитет на државата и значењето на нивната активна улога во градењето на инклузивно општетсво, порача Тошковски. На подрачјето на СВР Скопје, во врска со пријава за испукана димна бомба, Тошковски информира дека од страна на тимот за антитероризам извршена е проверка и подигната е направата. Прочитајте и: Левица: Мирен изборен ден во фер и демократска атмосфера, помали проблеми со фингерпринтот– Врз основа на претходно поднесени пријави од МВР констатирани се шест прекршоци по член 190 од Изборниот законик, а ќе бидат поднесени и две кривични пријави – една за повреда на тајност на гласањето по член 163 од КЗ и една за повреда на избирачко право, казниво по член 159 од КЗ, изјави Тошковски. Дополнителниот заменик министер за внатрешни работи Митко Бојмацалиев, изрази благодарност за директорот Сашо Тасевски, кој раководел со централниот штаб и подштабовите на ниво на република, кои во изминатиот период ги собрале сите потребни оперативни информации за денот на гласањето да помине во одлична демократска атмосфера. – Благодарност до граѓаните, македонската полиција, медиумите и сите за се што направивте денешниот ден да помине во фер, демократска и слободна атмосфера, изјави Бојмацалиев. - Реклама -...
Левица: Мирен изборен ден во фер и демократска атмосфера, помали проблеми со фингерпринтот
365.mk - пред 2 дена
59СподелувањаShareTweet Денешниот изборен ден помина мирно во фер и демократска атмосфера, но сепак се случиле некои помали проблеми на изборните места, соопштуваат од Изборениот штаб на кандидатот за претседател на Левица, Билјана Ванковска. Како што информираше Моника Маневска, портпарол на Ванковска, забележани се помали проблеми со фингерпринтот на повеќе гласачки места како Куманово, Ѓорче Петров, Аеродром и др. Таа истакна дека од терен добиваат информации дека во Куманово се правеле редици заради проблемите со апаратот за читање на отисок на прст, а во некои изборни места гласањето почнало со доцнење. Исто така, беше кажано дека и на овие избори се појавуваат нерегуларности во Избирачкиот список па така во некои изборни места има запишано за гласачи починати лица, а во некои гласачи кои се со постојано место на живеење и без промена на адреса, но ги нема во изборниот список. Прочитајте и: ДУИ слави на плоштадот „Скендербег“ во Скопје - Реклама -...
Муцунски: Изборниот процес помина генерално во фер и демократска атмосфера
365.mk - пред 2 дена
45СподелувањаShareTweet Изборниот процес помина генерално во фер и демократска атмосфера, со низа помали прекршувања предизвикани пред сѐ од партиите на власт и нивните активности, изјави потпретседателот на ВМРО-ДПМНЕ Тимчо Муцунски на прес-конференција од Изборниот штаб на Гордана Силјановска Давкова. По затворањето на гласачките места, Муцунски информираше дека досегашните податоци за нерегуларности кои ги добиле од набљудувачите забележале неколку нерегуларности. – Забележано е вршење на притисок врз гласачи во општина Сарај, импровизиран штаб во непосредна близина на училиштето „Гоце Делчев“ во Гостивар. Исто така, забележани се случаи на семејно и колективно гласање за кое истите лица биле предупредувани од страна на избирачките одбори и акредитираните набљудувачи, рече тој. Прочитајте и: ДИК: Првичните неофицијални резултати ДИК ќе ги соопшти околу полноќКако што дополни, на неколку изборни места во втората изборна единица, поточно во Куманово, нотирани се нерегуларности од типот на нефункционалност на фингерптинт апаратите, или немање на печат. – Во едно избирачко место, бидејќи немало печат, избирачкиот одбор добил насока од Општинската изборна комисија гласањето да продолжи, па после гласањето да се стави печат. При примопредавањето на изборниот материјал, не биле потпишани сите субјекти, дополни тој. Муцунски потенцираше дека за сите забелешки ќе постапат пред надлежните институции. – Затоа што во наш, и интерес на Македонија, е да добиеме чист изборен процес, кој, според нас, треба да заврши со победа на Македонија и визија за реформи и визијата за правда, рече Муцунски. - Реклама -...
ДИК: Излезноста до 18:30 часот била 48.46 проценти
365.mk - пред 2 дена
36СподелувањаShareTweet Излезноста на гласачите до 18:30 часот од обработени податоци од 3.174 избирачки места е 48,46 проценти, односно на гласање излегле 801 074 гласачи. Претседателот на Државната изборна комисија Александар Даштевски соопшти дека најголема излезност има во Новаци каде на гласање излегле 71,07, а најмала во Центар Жупа 16,90 проценти. – Гласањето помина мирно без поголеми инциденти на гласачките места, изјави Даштевски. Продолжено гласање ќе има во едно место во Демир Хисар, Липково, Могила и во Делчево. Уважени се 134 поплаки од граѓани за избирачко право, на бесплатна телефонска линија на ДИК имало 10 јавувања на граѓани, а како видео повици имало од осум лица со оштетен слух. Прочитајте и: ЗНАМ: Изборите се делумно фер и демократски, и покрај опструкциите ги исполнивме целите на кампањатаНа три места во Куманово гласањето е прекинато и тие се затворени. Како што објасни претседателот на ДИК доколку резултатите од овие избирачки места имаат влијание на крајниот резултат ќе има прегласување. - Реклама -...
Таравари: Поголемата излезност на овие избори покажува дека промените доаѓаат
365.mk - пред 2 дена
45СподелувањаShareTweet Арбен Таравари, претседателски кандидат на албанската опозициска коалиција „Вреди“ на првата прес-конференција по затворањето на гласачките места соопшти дека на овие избори има поголема излезност отколку на претходните избори, што, според него, зборува дека промените доаѓаат. – Како „Влен“ сме пресреќни дека добивме гласови генерално од Албанците. Сега промените веќе се во кутиите кои веќе се отвараат. Се надевам дека нашите комисионери, нашите набљудувачи ќе ги контролираат и нема да дозволат да има злоупотреби и да се гарантира дека секој глас што е даден на демократски начин ќе излезе на површина. Гласот на граѓанинот никако не треба да се злоупотребува, рече Таравари. Прочитајте и: Пендаровски „апелира“ до ДУИ и ВМРО-ДПМНЕ да не се крева реториката на меѓунационална основа: „Одвај се опоравивме од конфликтот во 2001-ва“На 8 мај очекува победа на коалицијата „Вреди“ и доаѓање на промената со одењето на ДУИ во опозиција. - Реклама -...
Адеми: Граѓаните го доверија својот глас и за Европскиот фронт, нивната волја е запишана и ќе биде дел од идните политики на Република Северна Македонија
365.mk - пред 2 дена
113СподелувањаShareTweet По завршувањето на гласањето во рамки на првиот круг од претседателските избори, во седиштето на ДУИ, шефот на изборниот штаб Арбр Адеми ја одржа првата прес-конференција. Тој оцени дека имало слободни избори кои се одржале во демократски дух и компетитивна атмосфера. -Ова е наш заеднички успех за кои сакаме да им честитаме на сите останати учесници. Покажавме демократска зрелост каква што и доликува на земја членка на НАТО и земја преговарач со Европската унија. Секако сакаме да им се заблагодариме на сите граѓани кои гласаа за нашиот кандидат д-р Бујар Османи. Со тоа го доверија својот глас и за Европскиот фронт. Сакаме да знаеме дека вашата волја е запишана и таа ќе биде дел од идните политики на Република Северна Македонија. Тоа е важно за тоа што е тоа суштината на демократијата. Граѓаните да одлучуваат за себе, граѓаните да одлучуваат за својата иднина и нивната волја да се почитува. Денес граѓаните го кажаа својот збор, а на нас е да ја преточиме таа волја во акција, изјави Адеми. Прочитајте и: Пендаровски „апелира“ до ДУИ и ВМРО-ДПМНЕ да не се крева реториката на меѓунационална основа: „Одвај се опоравивме од конфликтот во 2001-ва“На новинарско прашање за резултатите од гласањето, Адеми рече дека очекува победа. -Секако дека ние очекуваме длабока победа, голема победа за нашиот д-р Бујар Османи, сите информации од терен тоа го потврдуваат. Тоа што сме го сработиле завреме на кампања како Европски фронт тоа се покажа и докажа и денес и олекуваме да се потврди и со броење на гласачките ливчиња. Очекуваме победата голема и историска, истакна Адеми. Според него, Европскиот фронт имал напорна и вредна кампања.ас/са/ - Реклама -...
Јакимовски: Денешните избори беа мирни и достоинствени, забелешка за гласањето во дијаспората
365.mk - пред 2 дена
54СподелувањаShareTweet Претседателскиот кандидат на коалицијата „Храбро за Македонија“ предводена од ГРОМ, Стевчо Јакимовски на прес-конференција оцени дека денешниот изборен ден поминал мирно и достоинствено и дека сме покажавме дека можеме да направиме мирни и достоинствени избори. – Јас во оваа изборна кампања немам никаква забелешка на однесувањето на моите противкандидати, на нивниот вординг, на нивниот речник, освен една забелешка што имавме само една дуел емисија и освен онаа забелешка дека двајца кандидати беа исклучително финансирани за медиумско претставување во оваа изборна кампања што сметам дека во следните избори тоа треба да се корегира и да биде рамноправна поделба на средствата. Сметам и дека немањето на дуел емисии ја направи оваа кампања не толку атрактивна и од тие причини гледаме дека се уште немаме 50 отсто од излезеност на граѓаните на гласачките места, истакна Јакимовски. Прочитајте и: Мицкоски: Масовна излезност е одговорот на евентуален бојкот на СДСМ и на ДУИ на вториот круг од изборитеУпати критика за гласањето во дијаспората бидејќи таму, како што посочи е работен ден и граѓаните имале проблем да излезат од работа. – Јас со луѓе што контактирав од дијаспората ми велат не можеме да им објасниме на нашите работодавачи, на нашите колеги, сметаат дека ги лажеме да излезеш од работа за да одиш да гласаш затоа што во нашите земји се’ се одвива онлајн и мислам дека ова е исто така еден голем недостаток којшто треба да се поправи до следните претседателски и парламентарни избори, рече Јакимовски. - Реклама -...
ДИК: Првичните неофицијални резултати ДИК ќе ги соопшти околу полноќ
365.mk - пред 2 дена
45СподелувањаShareTweet Првичните неофицијални резултати од првиот круг на Претседателските избори Државната изборна комисија (ДИК) ќе ги објави околу полноќ. – Ние во 19:30 часот имаме уште една прес-конференција на која ќе биде соопштена вкупната излезеност на првиот круг на Претседателските избори. Со оглед дека податоците ги добиваме од Општински изборни комисии со помош на ИТ лица се надеваме дека пред полноќ ќе ги имаме резултатите во над 50 проценти и ќе може да ги објавиме, рече претседателот на ДИК Александар Даштевски попладне на прес-конференција. Тој прашан дали има податоци за прекин на гласањето на одредени гласачки места истакна дека официјални приговори и податоци има само за три избирачки места во Куманово, едно каде бил изгубен печат, а на две поради тоа што не работел уредот за биометриска верификација. Дикмире Шеху појасни дека согласно Изборниот законик на места каде гласањето не почнало повеќе подолго од три часа тоа се прекинува, а такви биле три места во Куманово. -Во другите избирачки места гласањето тече нормално. Таму каде има прекин помалку од три часа, како половина час или еден час, на тие места ќе продолжи гласањето за толку за колку што бил прекинот. Од другите избирачки места како ДИК немаме никакви официјални приговори доставени до нас ниту до општинските изборни комисии, ниту до избирачките одбори бидејќи сме во координација со сите нив, рече потпретседателката Шеху. На новинарско прашање за тоа дали ДИК има податоци дека на Избирачкиот список имало и починати лица, таа истакна дека Комисијата ги добива податоците од МВР и Управата за водење матична евиденција. Прочитајте и: ДУИ слави на плоштадот „Скендербег“ во Скопје– Согласно Изборниот законик сите граѓани 30 дена пред избори ќе починат се дел од избирачки список бидејќи тогаш е заклучен, рече таа. Додаде дека четири пати годишно ДИК го прочистува Избирачкиот список со податоци кои ги добива од други интитуции со кои, како што рече, е во постојана координација. Исто така, имало и случаи во кои одреден број гласачи не се пронашле на списоците за гласање и ним, како што појасни Даштевски, им било овозможено да поднесат приговор кој преку ОИК доаѓа до ДИК. -Ние го бараме тука во списокот зашто не се појавува, ако е се во ред, а гледате приличен број приговори ги усвојуваме со решение му се дозволува да гласа, рече Даштевски додавајќи дека станува збор за стотина вакви лица. Претходно тој соопшти дека одѕивот на првиот круг од претседателските избори до 17 часот попладнево изнесува 44,18 проценти, според податоците на ДИК од 1788 избирачки места. Од вкупно запишани 899 977 гласачи на овие избирачки места гласале 397 612 избирачи. До ДИК до 17 часот доставени 308 приговори за заштита на лично избирачко право, од кои 75 се усвоени и на избирачите им е овозможено да го остварат правото на глас, 25 се отфрлени како неуредни, 38 се одбиени, а останатите се во обработка. - Реклама -...
Одѕивот на изборите до 17 часот е 44,18 проценти
365.mk - пред 2 дена
41СподелувањаShareTweet Одѕивот на првиот круг од претседателските избори до 17 часот попладнево изнесува 44,18 проценти, според податоците на Државната изборна комисија (ДИК) од 1788 избирачки места. Од вкупно запишани 899 977 гласачи на овие избирачки места гласале 397 612 избирачи, односно 44,18 отсто, информираше на прес-конференција претседателот на ДИК Александар Даштевски. Најголема излезеност од 67,19 проценти има во Новаци, а најмала во Пласница 15,5 отсто. -Гласањето досега се одвива мирно во сите избирачки места, рече Даштевски. Во споредба со првиот круг од претседателските избори од 2019 година, до 17 часот на овие избори има поголема излезеност за околу девет отсто. Прочитајте и: Илир Мета: Победата на професорката Давкова ќе биде уште поубедливаДо ДИК досега се доставени 308 приговори за заштита на лично избирачко право, од кои 75 се усвоени и на избирачоте им е овозможено да го остварат правото на гласт,, 25 се отфрлени како неуредни, 38 се одбиени, а останатите се во обработка. - Реклама -...
Упориште на украинската армија на периферијата на Часов Јара е под руска контрола, соопшти руското МО
365.mk - пред 2 дена
72СподелувањаShareTweet Министерството за одбрана на Русија соопшти дека под руска контрола е големо упориште на украинската армија на периферијата на градот Часов Јар. „Единиците на воздухопловните сили Иваново од составот на силите на Јужната група, со поддршка на авијацијата и артилерија, упаднаа во големо упориште на вооружените сили на Украина на периферијата на Часов Јара“, објави руското Министерство за одбрана на својот канал на Телеграм. Како што наведоа, дел од украинските сили се предале. Министерството за одбрана на Русија објави фотографија на која руската војска известува за заплена на оружје од западно производство, вклучително и јуришна пушка и противтенковски ракетен систем „Џавелин“. Прочитајте и: Киев: Русија ќе ни приреди непријатни изненадувања, но нема да ја постигне својата цел - Реклама -...
Објавена долгорочната прогноза за летото: Топлиот циклус забрзано опаѓа, доаѓа ладниот
365.mk - пред 2 дена
50СподелувањаShareTweet Ажурираната прогноза за летото 2024 година покажува динамичен летен атмосферски модел, под влијание на преминот од топлиот циклус Ел Нињо во студениот циклус Ла Ниња. Се предвидува дека низа бранови на притисок и аномалии ќе се протегаат од Северна Америка сè до Европа, пишува Severe Weather Europe. Над северната хемисфера, следните месеци ќе бидат преоден период помеѓу Ел Нињо (топла фаза) и Ла Ниња (ладна фаза), што ќе остави свој белег на атмосферата и временските обрасци. Еден од главните двигатели на зимските временски услови и раната пролет беше Ел Нињо. Врвовите на топли аномалии беа забележани во декември, но на почетокот на оваа година почна нагло опаѓање на температурите, а се очекува целиот регион над Екваторот да оди во негативен циклус во текот на летото. Силен подземен ладен базен е главниот предуслов за падот на Ел Нињо. „Топлата фаза“ моментално е во распаѓање, а појавата на многу студен циклус започнува кон крајот на летото 2024 година, а ќе трае до 2025 година. Врз основа на сите податоци од прогнозата, Severe Weather Europe известува дека Ел Нињо е во брз пад. Сепак, ваквите големи настани обично бараат подолг временски период бидејќи на атмосферата и треба одредено време за да одговори на овие океански промени. Податоците покажуваат дека големи делови од централниот и источниот дел на Соединетите Американски Држави и јужна Канада ќе доживеат температури над нормалните, додека Европа може да очекува пониски температури. Од Severe Weather Europe велат дека прогнозите за летото, односно за јуни, јули и август, укажуваат на област со натпросечни температури и поголема тенденција за топлотни бранови над јужниот дел на САД, па сè до северните делови. Втората област е над јужните делови на Европа каде што времето ќе биде потопло од нормалното во поголем дел од континентот. Најсилни аномалии и тенденции на топлотни бранови има во централните и јужните делови на континентот. Кон крајот на летото, Северна Америка ќе ги почувствува раните промени на новата Ла Ниња што се појавува, бидејќи е многу поблиску до изворниот регион во Пацификот. - Реклама -...
Барселона ја тужи шпанската федерација, судот одлучува за голот на Јамал против Реал
365.mk - пред 2 дена
59СподелувањаShareTweet Барселона не дозволува да стивне бурата по „Ел Класико“ во кое Реал победи со 3:2. „Фантомскиот гол“ на Ламин Јамал и понатаму е тема на шпанските медиуми. Барселона не дозволува да престане да се зборува за тоа. И по самиот меч имаше остри критики за судењето, немањето технологија за гол-линијата и „злоупотребата на ВАР системот“. Првиот човек на клубот, Жоан Лапорта, најави дека Барселона ќе ги искористи сите средства да ја истражи ситуацијата и да утврди дали тоа било гол или не. Барселона сега отиде чекор подалеку и најави дека ќе ја тужи Шпанската фудбалска федерација и дека решение на оваа ситуација ќе бара на суд. Ден по натпреварот беше објавена и комуникацијата на главниот судија со играчите и судиите од ВАР-салата, но изостана делот од видеото поврзан со ситуацијата околу голот на Јамал кој не беше признат. Федерацијата го одби барањето на Барселона да му ја даде на клубот целосната снимка од комуникацијата помеѓу судијата и ВАР-собата и Каталонците сега сакаат да ја добијат преку судовите. Лапорта останува на ставот дека доколку се покаже дека Барселона е оштетена, ќе бара реприза. - Реклама -...
До 15 часот излезеноста на изборите е 35.89 проценти, до ДИК 233 приговори за заштита на избирачкото право
365.mk - пред 2 дена
81СподелувањаShareTweet До 15 часот излезеноста на првиот круг од претседателски избори е 35, 89 проценти, според податоците на Државната изборна комисија (ДИК) од 2110 избирачки места. -Гласањето досега се одвива мирно на сите избирачки места, информираат од ДИК. Од вкупно запишани 1.092 341 гласачи на овие избирачки места гласале 392 066. Според податоците што се пристигнати досега, најголема излезеност е забележана во Новаци со 57,69 проценти додека најмала е излезеноста во Центар Жупа, 13,11 проценти. До овој момент до ДИК се доставени вкупно 233 приговори за заштита на личното избирачко право. Од нив 38 приговори се усвоени и на избирачите им е овозможено да го остварат своето право на глас, 21 приговори се отфрлени како неуредни, а 22 приговори се одбиени. Останатите приговори се во обработка. Прочитајте и: Касами: Добитник на овие избори е Влен, Влен е легитимен претставник на АлбанцитеНа страната rezultati.sec.mk може да се следи во живо излезноста на гласачите, вкупна и по општини. - Реклама -...
Во Охрид приведено лице кое го фотографирало гласачкото ливче
365.mk - пред 2 дена
41СподелувањаShareTweet Полицијата во Охрид денеска во 12:15 часот го привела лицето А.И.(48) од Охрид, затоа што го фотографирал гласачкото ливче на Избирачкото место 1271 во Охрид. Како што соопштија од СВР Охрид, по целосно документирање на настанот, против него ќе биде поднесена соодветна пријава. Прочитајте и: ДИК: Првичните неофицијални резултати ДИК ќе ги соопшти околу полноќ - Реклама -...
Хамас повика на ескалација на сите фронтови
365.mk - пред 2 дена
32СподелувањаShareTweet Портпаролот на вооруженото крило на Хамас, бригадите Ал-Касам, повика на ескалација на сите фронтови во телевизиски говор по повод 200 дена од почетокот на војната меѓу Израел и Хамас во Појасот Газа на 7 октомври 2023 година. Во видеото објавено синоќа од Ал Џезира, Абу Убаида го пофали нападот на Иран врз Израел на 13 април, велејќи дека директните напади со дронови и ракети „поставуваат нови правила, повлекоа важни паралели и ги збунија непријателот и оние што стојат зад него“. Тој повика и на ескалација на Западниот Брег и во Јордан, велејќи дека тоа е „еден од најважните арапски фронтови“. – Го повикуваме јорданскиот народ да ги засили своите акции и да го крене својот глас, рече тој. Абу Убаида рече дека Хамас останува на барањата што ги постави на разговорите за прекин на огнот, односно бара Израел да ја прекине воената офанзива, да ги повлече своите сили од Појасот Газа, да им дозволи на раселените да се вратат во северниот дел на Газа и да ја укине блокадата. Прочитајте и: Пропалестински протести низ повеќе универзитети во САД по масовните апсења во „Колумбија“Во меѓувреме, Израел вчера ги засили нападите низ Појасот Газа, рекоа жителите, додавајќи дека тоа било едно од најлошите гранатирања во последните неколку недели. Армијата нареди нова евакуација на северот од палестинската енклава, предупредувајќи ги цивилите дека се наоѓаат во „опасна борбена зона“. Во објава на X, портпаролот на израелската армија Авичај Адраи ги повика жителите на четири зони во Беит Лахиа во северниот дел на Појасот Газа да се преселат во засолништа во две одредени области. Новото гранатирање и бомбардирање на северниот дел на Појасот Газа доаѓа речиси четири месеци откако израелската армија објави дека ги повлекува своите војници, тврдејќи дека Хамас повеќе не ги контролира областите. Израел, исто така, овој месец повлече поголем дел од своите сили од јужниот дел на Појасот Газа. Но, обидите да се постигне прекин на огнот не успеаја, а израелските бомбардирања и упади на територијата од која војниците се повлекоа го отежнуваат враќањето на раселените во своите домови. - Реклама -...
Двајца соиграчи од Премиерлигата уапсени поради силување
365.mk - пред 2 дена
32СподелувањаShareTweet Англиските медиуми објавија вознемирувачки вести. Двајца 19-годишници, кои се професионални фудбалери во Премиер лигата, се уапсени поради обвинение за силување минатиот викенд, а информацијата ја потврдија од англиската полиција. Не е наведено во која екипа настапуваат фудбалерите, ниту е познат нивниот идентитет, но познато е дека и двајцата играат за истиот тим кој се натпреварува во елитното ниво на англискиот фудбал. Според британски „Телеграф“, еден од играчите бил сослушан на клупскиот стадион, додека другиот е приведен бидејќи е осомничен дека помагал во извршување на кривично дело. Сексуалниот напад за кој се обвинети фудбалерите се случил во петокот, а жртвата веднаш се јавила во полиција, а неколку часа подоцна поднела официјална пријава. Се наведува дека клубот нема дополнително да коментира и дека работата е во рацете на полицијата. Ова не е прв пат да се случи ваква ситуација во Премиер лигата. Претходно беа покренати обвиненија против Мејсон Гринвуд и Бенџамин Менди, но на крајот ниту еден од двајцата фудбалери не беше осуден. - Реклама -...
ДИК: Гласањето е мирно на сите избирачки места, до 13 часот гласале 26.35 отсто граѓани
365.mk - пред 2 дена
68СподелувањаShareTweet Гласањето за избор на претседател на државата досега се одвива мирно на сите гласачки места, соопшти Државната изборна комисија (ДИК). До 13 часот на гласање излегле 26,35 проценти граѓани, според податоци кои пристигнале до ДИК од 1720 избирачки места односно од 49,03 отсто. Како што рече претседателот на ДИК, Александар Даштевски, одѕивот за гласање е 6 отсто повеќе за истиот период од денот во споредба со претходните Претседателски избори во 2019 година. -Вкупен број на запишани избирачи во избирачките места од кои пристигнале податоци е 872 090, вкупен број на избирачи кои гласале во избирачките места од кои пристигнале податоци е 229 803. Процентот на избирачи кои гласале во избирачките места од кои пристигнале податоци е 26,35, соопшти на прес-конференција Даштевски. Прочитајте и: Ванковска: Прерано прогласување на трката за готова не е демократски процесСпоред податоците пристигнати досега до ДИК, најголема излезеност до 13 часот имало во општина Новаци (42,87 отсто), а најмала во Врапчиште 10,18 отсто. Даштевски информираше дека до ДИК досега се доставени 140 приговори за заштита на избирачко право. Од нив 16 се усвоени и на избирачите им е овозможено да остварат право на глас, осум приговори се отфрлени како неуредни, а девет приговори се одбиени. Останатите приговори се во обработка. На веб-страницата rezultati.sec.mk може да се следи одѕивот на гласачите и по општини. - Реклама -...